●Ndwen 1 ngoenz 21, aen lienzhabhoih hangz yisuz vwnzva Lungzlinz Gak Cuz Swciyen cujciz gak vwnzva yisuz donzdij daengz Nganzcaz Yangh Gajbwz Cunh haiguh coux ciengmoq vwnzva leih beksingq hozdung, vih vunzlai dangdieg soengq bae doiqcieng、soengq saw、soengq gij yaemsiengq gvanghdez daengj, gangj gij cingsaenz Cibgouj Daih, caemh- caiq haiguh vwnzyi yienjok, angq- coux ciengmoq.

(Linz Binh)

●Ndwen 1 ngoenz 27, aen hainduj yizsi Guengjsae Vwnzlenz bi 2018 ciengmoq vwnzyi leih beksingq hozdung “aen loqsiengj Cungguek raeuz——vwnzyi haeuj fanh ranz” youz Guengjsae Vwnz- lenz、Namzningz Siveij Senh- conzbu、Namzningz Si Vwnzlenz lienzhab cawjbanh, Cinghsiu Gihveij Senhconzbu、Cinghsiu Gih Vwnzlenz bangbanh haenx youq Namzningz Si Ginhhuz Gvangj- cangz hainduj. Langhbaij gij cingzcik Guengjsae、Namzningz geij bi neix daeuj vwnzyi hwngfat doengzseiz, hix vih Namzningz siminz soengq daeuj donq vwnzva ngaizhoengh he.

(Nungz Veiyingj)

●Ndwen 1 ngoenz 22 banhaemh, Dwzbauj Yen Gaiq Daihroek Heiqcuengh Baihnamz Comzyienj youz Dwzbauj Yenveij、Yen Yinzminz Cwngfuj cawjbanh haenx youq minzcuz vwnzva cungsim gvangjcangz aen yienh neix haimuq, 《Gij Gvansim Suhgi》 youz Aen Duenz Heiqcuengh Yezyiz Gizveih Cwngzgvanh Cin yienjok haenx hainduj le baez comzyienj neix, baenz fanh boux bouxgyaez Heiqcuengh daengz dieg yawj.

(Nungz Yungjfang)

●Ndwen 1 ngoenz 26, Liujcouh Siveij Senhconzbu、Liujcouh Si Vwnzlenz cujciz aen faendoih iq vwnzyi bae daengz Sanhgyangh Dungcuz Swciyen Danhcouh Cin Danhcouh Cunh haiguh gangjlwnh gij cingsaenz Cibgouj Daih “haeujlaeg saedceij·cap rag beksingq” cawjdaez saed- guh nem vwnzva bangfuz hozdung, doenggvaq gofoux、siujbinj caeuq yienhciengz raiz doiqcieng daengj lai cungj cezmuz, caeuq vunzlai dangdieg guh lienzvuen, rengzrwd gikfat gij saenqsim caeuq gikcingz vut gungz beksingq Mbanjdung.

(Bangz Gwzbingz)