Ginhsiu Yauzcuz Swciyen Minzcunghgiz lienzhab Ginhsiu Denyingj Gunghswh youq ndwen 1 ngoenz 23 banringzgvaq daengz Dacangh Yangh Vajcangj Cunhveij aen yienh neix haiguh soengq denyingj Vahyauz roengz mbanj hozdung, ngoenzhaenx banhaemh youq Vajcangj Cunhveij Mbanj- cunghhoz cuengqingj le ciengz 《Yaengx Fwngz Hwnjdaeuj》 den- yingj boiqyaem Vahyauz he, vunzlai aen mbanj neix caeuq vunzlai mbanj henzgyawj cungj ganj daeuj yawj.

Ciuq cam rox, ciuq mizgven vwnzgen cingsaenz, giethab gij saedsaeh aen yienh neix caeuq gij iugouz vunzlai daezok haenx, daj bi 2016 doxdaeuj, minzcunghgiz aen yienh neix lienzhab Ginhsiu Denyingj Gunghswh gonqlaeng bae daengz gak aenmbanj minzcuz vunznoix cuengqingj denyingj boiq- yaem vah minzcuz daengz 120 ciengzbaez, bouxyawj daengz 16700 lai boux.

Seizneix, Ginhsiu Minzcunghgiz caeuq Ginhsiu Denyingj Gunghswh cingq lienzhab loegguh 《Goengriu Saenq Vujlinz》 denyingj boiqyaem Vahyauz (Vahbanzyauz), ceng’aeu youq bineix ndwen 9 daej ndaej cingqciengz cuengqingj, hawj vunz- lai Yauzcuz ndaej yawj daengz bouh denyingj heiq ndeiriu doxhoenx neix, dawz gij gvansim dangj doiq vunzlai minzcuz vunznoix, soengq daengz ndaw vunzlai Yauzcuz bae.

(Vangz Siubingz)