Yungzsuij Myauzcuz Swciyen Dalang Cin Cunghsinh Siujyoz haj (3)ban Vuz Yen

融水苗族自治县大浪镇中心小学五（3）班 吴 艳

Yienznaeuz gou seng youq ndaw ranz Dungcuz, hoeng gyoengqdoih henz gou dingzlai cungj dwg Bouxcuengh, ndigah youq seiqhenz gou cungj miz vunz gangj Vahcuengh, gou hix riengz hag Vahcuengh. Seiz ngamq hag gangj Vahcuengh caen gazbak, doeklaeng gaen gyoengqdoih baez coenz baez gawq hag couh hag rox lo.

Geiq ndaej miz baez ndeu, daxmeh daiq gou bae ndaw singz guhcaemz, aen singz nauhyied haenx, doengxhaemh daeng ronghsagsag, gij gingjsaek doengxhaemh gyaeundei raixcaix, gou dangseiz angq dangqmaz.

Hoeng daxmeh naeuz ngoenzneix dwg youq ndaw singz ngoenz gatlaeng lo, ngoenzcog couh baema lajmbanj, gou dingq le ndawsim roxnyinh gig saet- muengh, youq ndaw singz caengz guh- caemz gaeuq couh baema lo.

Daxmeh rag fwngz gou byaij bae coh cicamh, yaek bae daezgonq cawx cibiuq. Gou caeuq daxmeh daeujdaengz bakdou cicamh, sawqmwh yawjraen gyoengqvunz youq gizhaenx humxyawj gijmaz. Gou dangseiz miz di lau, rag dawz gaiqfwngz daxmeh ndaetndaet bae, daxmeh naeuz gaej lau, dou gvaqbae yawjyawj. Byaij gyawj baez yawj, cij raen boux daxbuz byoemhau ndeu, ndaw fwngz de gaem 20 maenz cienz, vad fwngz mbouj rox siengj guh gijmaz, ndaw bak damzbyoedbyoed. Gij vunz humx- yawj haenx hix mbouj rox de naeuz gijmaz, sawqmwh gou dingqnyi de naeuz: “Cawx cibiuq bae Liujcouh.” Laxlawz daxbuz mbouj rox gangj Vah- gun, de gangj coenz Vahcuengh haenx heuhnaeuz “cawx cibiuq bae Liujcouh”. Gou vaiqdi rag dinbuh daxmeh bae caeuq daxbuz naeuz：“Gaej gip, gou caeuq daxmeh daiq mwngz bae cawx cibiuq.” Daxmeh gou rex daxbuz daengz bakcueng gai biuq, doiq boux daxheiz gai biuq naeuz, daxbuz yaek cawx cibiuq bae Liujcouh. Yawjraen liz haici bae Liujcouh lij miz duenh seizgan dem, gou caeuq daxmeh youh daiq daxbuz bae aen diemqgaigwn iq ndaw cicamh gwn haeux, daxbuz doq gwn doq caeuq dou aeu Vahcuengh gangjgoj, dou gangj ndaej angq raixcaix.

Daxbuz gwn imq le, seizgan hai ci hix yaek daengz lo, dou couh soengq daxbuz hwnj ci. Daxbuz hwnj ci le, aenci couh yaek hai bae seiz, daxbuz lienz naeuz geij coenz docih sou. Gou han daxbuz naeuz, mbouj yungh docih, caemhcaiq hohfuk daxbuz itloh bingzan. Daxmeh raen gou yienghneix roxsoq, angqvauvau daengj mehfwngz haenh gou.

Daj baez youq cicamh bang daxbuz cawx cibiuq neix, gou gamjsouh ceiq laeg couh dwg: Coenz Vahcuengh raeujrub ndeu, mboujdan ndaej bang bouxwnq, caemhcaiq baenz gienh saeh haisim ndeu.

(bouxson Yangz Senhvah boux- hoiz Goenggen)

虽然我生在侗族家庭，但是我身边的小伙伴们大多来自壮族家庭，所以我生活的环境自然有人讲壮话，我也跟着学讲壮话。刚开始学壮话很别扭，后来跟小伙伴们一语一言地学就学会了。

记得有一次，妈妈带我到城市里玩，那繁华的城市，夜里灯火辉煌，呈现出美丽的夜景，我当时兴奋极了。

然而，妈妈说这是住在城里的最后一天，明天早上就回农村了，我听了心里觉得很失落，在城里没玩够就要回去了。

妈妈牵着我的小手往汽车站方向走，要去提前把车票买了。我和妈妈来到汽车站门口，突然看见一群人在那里围观什么。我当时有些害怕，紧紧拉住妈妈的手，妈妈说不怕，我们走过去看看。走近一看，只见一位白发苍苍的老奶奶手里攥着20元钱，挥手不知道想干什么，嘴巴在念叨着。围观的人也不知道她说什么，突然我听到她说：“Cawx cibiuq bae Liujcouh”。原来老奶奶不会说普通话，她说的是一句壮话叫“买车票去柳州”。我赶忙拉着妈妈的衣角去跟老奶奶说：“别急，我和我妈妈带您去买车票。”我妈妈扶着老奶奶到卖票窗口，对着卖票的阿姨说，老奶奶要买车票去柳州。看到离开车还有一段时间，我和妈妈又带老奶奶去车站里面的小食店吃饭，奶奶边吃边和我们用壮话聊天，我们聊得可高兴啦。

奶奶吃饱后，开车时间也快到了，我们就送奶奶上车。奶奶上车后，车子即将开动，奶奶在这一刻连说谢谢你们。我回答奶奶说，不客气，并祝福奶奶一路平安。妈妈看到我懂事的样子，高兴地为我竖起了大拇指。

从这次旅途中，我感受最深的是：一句暖心的壮话，不但能够助人为乐，而且还成了一件开心的事。

（指导老师 杨鲜花）