Liujcouh Si Dwzyin Siujyoz haj(1) ban Vangz Veiyenh

柳州市德润小学五（1）班 黄尉轩

Ranzmbanj gou gig gyaeundei. Gizneix bya heu raemx saw、seiq baih bya humx、dienheiq habyouq. Ranz- mbanj ndaem miz makbugdiengz gyae- gyawj mizmingz, gij cietfwen caeuq buhvaq minzcuz hix gig okmingz.

Ranzmbanj dou miz gak cungj gak yiengh gijgwn ndei gwn. Youq gizneix, dou ndaej gwn daengz ceizngaih、faengx、haeuxnaengj haj saek……ndaw ranz gag guh haenx. Ndawde, gou ceiq maij gwn ceizraemxrouh buz gou gag guh haenx lo, mwh gwn ceizraemxrouh caiq boiq hwnj raemxdang dangznding、hing, caen dwg ndei gwn youh cangqheiq ha!

O, deng lo, ngoenzciet ceiq miz- mingz giz dou couhdwg cietfwen lo.

Geiq ndaej binaengz cietfwen, dax- meh daiq gou ma ranz daxbuz yawj gyoengqvunz doiqfwen. Mwh banhaemh, dou caeuxcaeux gwn caeuz le, daxmeh couh gaem fwngz gou gipmuengz ganj bae Byabanzlungz, caj doiqfwen hainduj. Gvaq yaep ndeu, cijraen saisai mbwkmbwk bouxcoz Bouxcuengh daj seiqhenz geijcib leix ganj daeuj, gyoengqde cungj daenj hwnj buhvaq gyaeundei minzcuz, comz youq baihnaj daizfwen cingsim dap ndei haenx, sikhaek, seiqhenz aendaiz vunz lai vunz daih, nauhyied raixcaix. Gou roxnyinh geizheih dwk yawj coh gwnz daiz bae, cijraen bouxcoz saimbwk faen baenz song doih ndei le, song mbiengj couh hainduj doiqfwen lo, mwngz eu coenz ndeu, gou couh dap coenz ndeu. Doiq daengz haeujyinx seiz, caezgya mwngz coenz gou coenz, eu ndaej engqgya ndeidingq lo. Gyoengq dahsau eu naeuz：“Gijmaz dawzmak doengz diuz sim?” Gyoengq lwgmbauq dap：“Lwggyoij dawzmak doengz diuz sim le!” Gyoengq lwgmbauq youh cam naeuz：“Gijmaz najraemx fandingjdaeuj le, gijmaz najraemx hwnj ranzlaeuz, gijmaz naj- raemx gang aenliengj, gijmaz najraemx caemh gyaeujhau?” Gyoengq dahsau mbouj yungh naemj couh dap：“Duzbit najraemx fandingjdaeuj le, ruzhung najraemx hwnj ranzlaeuz, mbawngaeux najraemx gang aenliengj, roegyaemyieng najraemx caemh gyaeujhau……”Lijmiz haujlai coenzfwen doxdaeuq coengmingz dem, bouxdingq cungj mbouj youz ndaej deng daiq haeuj gij cingzgingj doiqfwen gyaeundei bae lo.

Mbwn gaenq haemh lai lo, gou caeuq daxmeh yaek ma ranz lo, hoeng gij fwen ndeidingq Bouxcuengh gaenq louz youq ndawsim gou laeglaeg lo, hawj gou yienghlawz cungj lumj mbouj ndaej.

Cengdi lumz lwnh sou aenseiz lo, cietfwen Mbanjcuengh dingh youq moix bi liggaeuq sam nyied cosam gawj- banh. Baenzlawz yiengh? Dingq gou gaisau le, sou siengj daeuj ranzmbanj gou guhcaemz lwi? Angqcoux sou ndaejhoengq daeuj guhhek bw!

Gou gyaez ranzmbanj gou, gou engqgya gyaez vunz Bouxcuengh coengmingz、swnzsienh gizneix.

(bouxson Dungj Yen bouxhoiz Ouh Caijfangh)

是一个美丽的地方。这里山清水秀、四面环山、气候宜人。家乡盛产的沙田柚远近闻名，家乡的山歌节和民族服饰也是很出名的哦！

我们的家乡有各种各样美味可口的美食。在这里，我们可以吃到自家做的艾粑粑、粽子、五色糯米饭……其中，我最爱吃的是奶奶做的手工汤圆，吃汤圆时再配上红糖姜汤，既美味又健康！

哦，对了，我们这儿最有名的节日就是山歌节了。

记得有一年山歌节，妈妈带我回奶奶家参加对山歌活动。傍晚时分，我们早早吃完晚饭，妈妈就拉着我的手匆匆忙忙地赶到盘龙山头，等待活动开始。等了一会儿，只见方圆几十里的壮族男女青年，穿着艳丽的民族服饰，汇聚到精心搭制好的歌圩台前，顿时，舞台周围人山人海，煞是热闹。我好奇地望着舞台上，只见男女青年分成了两个队，两方开始对山歌，你抛来一句，我就回一句。对山歌到了高潮，大家你一言我一语，内容也更精彩了。姑娘们唱：“什么结果一条心？”，小伙子们答：“芭蕉结果一条心呀！”小伙子们又问：“什么水面打跟斗呢，什么水面起高楼，什么水面撑阳伞，什么水面共白头？”姑娘们不假思索地回答：“鸭子水面打跟斗呢，大船水面起高楼，荷叶水面撑阳伞，鸳鸯水面共白头……”还有很多斗智的歌词，听众们情不自禁地被带入到了美妙的意境之中了。

天色已晚，我和妈妈要回家了，但这壮乡美妙的山歌已深深留在了我的心中，令我难以忘怀。

忘了告诉你们时间了，壮乡的山歌节定在每年的农历三月初三。怎么样？听了我的介绍，你们想来我的家乡游览吗？欢迎有空来做客哦！

我爱家乡，我更爱这里淳朴、智慧的壮乡人民！

(指导老师 董 燕)