1 nyied 17 hauh, Baksaek Si Sizyen Siujyoz gyoengq hagseng youq seiz roengzdangz biujyienj fouxbeiz. Gaenh geij bi neix daeuj, aen si neix gak cungh siuj hagdangz youq ndaw hozdung seiz roengzdangz, cungj dwg aeu yinhyoz、lijyiz caeuq daudwzgingh daengj neiyungz caeuq diuqfoux、dijcauh dox giethab, dawz dijyuz、yisuz、vwnzva yungz youq itheij, sawj hagseng gawq ndaej lienh ndangdaej, youh ndaej souh daengz swhsiengj gyauyuz caeuq vwnzva yisuz dauzyej.

(Luz Gez/陆 杰 Vuz Lanz/吴 兰)