●Geij bi neix daeuj, baengh gij seizheiq guekgya dajcauh dieg ndaem byaek “byaek baihnamz daeh baih- baek”, Denzdungh Yen cawjdoengh diuzcingj canjnieb gezgou, doicaenh ndaem byaek seizcou seizdoeng, bang bouxguhnaz laisou、vut gungz canj- nieb hwngfat daengj fuengmienh aeundaej cingzcik yienhda. Daengz bi 2017 daej, daengx yienh ndaem byaek seizcou seizdoeng mienhcik 11.9 fanh moux, canjliengh daengz 20 lai fanh dun, daiqdoengh vunz- mbanj laisou baenz miz.

(Cauz Yimingz)

●Fangzcwngzgangj Si laebdin caeuq diegnamh dieghaij Yeznanz doxlienz gizdieg daegdiemj, geij bi neix daeuj haenqrengz hengzguh aen gunghcwngz guhyiengh “henzgyawj huzndei vwnzva” dieg henzguek, gonqlaeng hwnjguh baenz 130 aen diegguhyiengh, miz mbangj langhbaij gij daegsaek Mbanjyauz, miz mbangj yienh’ok gij yienghsiengq Ginghcuz, gak miz daegsaek、gak miz yiengh- siengq, doengzseiz haiguh le ca mbouj geijlai 500 ciengz vwnzva hozdung lai cungj lai yiengh haenx, leih daengz vunzlai henzgyaiq Cung- guek Yeznanz daengz 10 fanh lai boux.

(Linz Seznaz)

●Ndwen 1 ngoenz 19, Aen Hezvei Vwnzyigyah Ndawbiengz Guengjsae lienzhab Aen Hezvei Vwnzyigyah Ndawbiengz Namzningz Si, cujciz boux vwnzyigyah ndaw- biengz youq Namzningz haenx bae Namzningz Si Lungzanh Yen Nanzhih Cin Nanzhingh Cunh haiguh “aen siengjmuengh Cungguek raeuz vwnzva haeuj fanh ranz” “cap rag diegnamh biz saedceij, fugsaeh vunzlai gihcwngz” vwnzyi gagnyienh fugsaeh hozdung, youq 2018 cietndei ndwencieng daeujdaengz gaxgonq, vih gyoengq vunzmbanj Nanzhingh Cunh soengq bae gij raeuj caeuq hohfuk.

(Nungz Veiyingj)

●Lungzlinz Gak Cuz Swciyen yungh buqgej lajmbanj gunghgung veiswngh ceihleix nanzdaez guh dazyiengq, dungjcouz doicaenh laj- mbanj gaij diengzhaex aen minz- swngh gunghcwngz hwnjguh neix. Bi 2017, aen yienh neix ciuq gij banhfap guekgya gvidingh moix ranz gaij diengzhaex bangdiep 1200, hengzguh le 6000 aen lajmbanj gaij diengzhaex hanghmoeg, haemq ndei gaijndei le lajmbanj gunghgung veiswngh vanz- ging.

(Vangz Yinzyungz)