Vih senhconz gvancez doek- saed gij cingsaenz Cibgouj Daih dangj、swnjcienz caeuq fatyiengz vwnzva vah minzcuz, bi 2017 ndwen 12 ngoenz 13、ngoenz 14, Fangz- cwngzgangj Yinzminz Gvangjbo Dendaiz doiok song aen lanzmoeg saehmoq gvangjbo Vahcuengh、Vahging. Song aen lanzmoeg saeh- moq moix aen singhgiz ngoenz- singhgiz 19:00 cuengq baez daeuz, ngoenz daihngeih dauqcungz cuengq, moix geiz 10 faen cung, moix aen singhgiz geiz ndeu, faenbied yungh Vahcuengh caeuq Vahging lwnhgangj gij saehhung、gij saedceij beksingq cingzgvang bek- singq、gij cingzgvang ndaw mbanj Fangzcwngzgangj.

Ciuq cam rox, Fangz- cwngzgangj Si dwg aen dieg lai aen minzcuz doxcomz youq ndeu, diegguenjleix Dunghhingh Si dwg daengx guek Ginghcuz diegcomz- youq dandog, Sangswh Yen caeuq Fangzcwngz Gih mbangj beksingq yungh Vahcuengh guh vah doxgyau cujyau. Doiok song aen lanzmoeg saehmoq gvangjbo Vahcuengh caeuq Vahging, ndaej engq ndei dawz gij fuengcim、cwngcwz、faplwd fapgvi caeuq gij saenqsik fueng- bienh beksingq fouq beksingq dangj caeuq guekgya cienz daengz gyoengq vunzlai Bouxcuengh、Ginghcuz bae, hawj beixnuengx Bouxcuengh、Ginghcuz ndaej gib- seiz dingqnyi gij cwngcwz fapgvi、seizsaeh cwngci dangj caeuq guek- gya yungh vah minzcuz bonjfaenh boqcuengq haenx, fungfouq gij vwnzva saedceij vunzlai minzcuz vunznoix, coicaenh daengx si minz- cuz doxgiet、henzguek onjdingh.

(Ciz Yimeiz/徐玉梅)