●Mboengqneix, 2018 sw- cigih leih beksingq hangh- moeg——Guengjsae Heiqyienh “gvancez Cibgouj Daih caez guh aen siengjmuengh Cungguek” vwnzyi cinghbinj haeuj mbanj leih beksingq yienjok hozdung youq Namzningz hainduj. Guengjsae Heiqyienh cujciz aendoih yienjok aenduenz Heiq- cuengh、aenduenz heiqcaijdiu caeuq aenduenz heiqginghgi bae Bozbwz、Majsanh、Fuconh、Yizcouh、Sanglinz daengj si yienh yanghcin mbanj haiguh 136 ciengz leih beksingq yienjok.

(Lij Sienghbingz)

●Gaenh bi neix daeuj, Liujcwngz Yen mboujduenh cauhmoq lajmbanj fapceih senhconz gyauyuz fuengsik, damqra ok gij fuengsik guhhong bujfaz “bak aenmbanj bak ciengz heiq、bak hagdangz bak dangzgoq、bak anq bak laeh”, vih daengx gih gak dieg haiguh lajmbanj bujfaz daezhawj gingniemh ndei. Daj hengzguh “sam bak gunghcwngz” dox- daeuj, aen yienh neix 172 aen doihyienjheiq seizhoengq yienj- ok 2000 lai ciengz, haiguh gak loih dangzgoq fapceih ndawhag 1000 lai ciengz, fat gak cungj faplwd fapgvi senhconz swhliu 50 fanh faenh, vunzlai ndaej gyauyuz daengz 40 fanh vunz- baez.

(Fu Yungjsinh)

●Mboengqneix, Gveigangj Si Cinzdangz Gih Mungzgungh Cin banh aen vwnzyi vanjvei hagsib gvancez gij cingsaenz Cibgouj Daih, aen cin neix hauj- lai aen doihyienjheiq ndaw- biengz caeuq 1000 lai boux vunzlai doxcomz giz ndeu, ciengqgo diuqfoux, hagsib senh- conz gij cingsaenz Cibgouj Daih.

(Dwng Fuzswngh)

●Bi’gvaq doxdaeuj, Denh- dwngj Yen yungh banhfap ndei, baenz caengz baenz caengz faengaij guhhong yinvu, doek- saed guhhong cwzyin, bauj- maenh guhsat gij yinvu gaij ranzdajcawj gaij diengzhaex, doicaenh haiguh hong lajmbanj habyouq. Daengz seizneix, aen yienh neix gaij diengzhaex guhsat 5000 ranz, ciemq 100% gij soq yinvu; gaij ranzdajcawj guhsat 5000 ranz, ciemq 100% gij soq yinvu.

(Luz Linzhuj)