Gou cingqcaen dwg dahniq Bouxcuengh ndeu, gou daj iq couh rox gangj Vahcuengh. Daxboh daxmeh ciengzseiz youq baihrog dajgoeng, gou caeuq daxbuz youq ranz gvaq ndwenngoenz.

Gaenhlaenz ranz gou dingzlai dwg Mbanj- cuengh. Bouxcuengh dou miz aen cietheiq ndeu couh dwg sam nyied sam, neix dwg aen cietheiq hung Bouxcuengh. Sam nyied cosam ngoenz- haenx, aen mbanj bingzseiz caembyambyam haenx, bienqbaenz nauhyied hwnjdaeuj. Ngoenzhaenx banhaet, daxbuz daiq gou caeuq dahnuengx bae daengz laj goreiz coemh yieng, coemh yieng sat le lij cit roix bauqrengh ndeu. Daxbuz naeuz yienghneix guh goenggeq ndaej baujyouh dou ndangdaej cangqheiq, yiengh- yiengh cungj ndei.

Coemh yieng sat youq gwnz loh dauqma, daxbuz naeuz raeuz bae henz hagdangz dingq fwen. Itloh raen miz haujlai vunz rog mbanj daeuj ndaw mbanj gai doxgaiq, ndaw mbanj vunz gig lai gig nauhyied.

Daengz gizdieg gyoengqvunz doxcomz eufwen, dou ra dieg hoengq naengh roengzma, daxbuz rox eufwen, de byaij haeuj gyoengq eu- fwen bae. Gou dingq ndaej rox miz coenz fwen ndeu dwg yienghneix: Cejsam eu fwen saenq raemxdah. Ciep daeuj, daxbuz naeuz gou nyi: Gaxgonq, Bouxcuengh raeuz miz boux Liuz Samcej ndeu, de eufwen ak raixcaix. Miz baez ndeu, Moz lauxyez hai ruz daeuj caeuq Liuz Samcej doxdax eufwen, eu daengz buenq- bangh, mbiengj Liuz Samcej eu ndaej swnhsisi, mbiengj Moz lauxyez doiq mbouj hwnjdaeuj lo, couh youq gwnz ruz fan sawfwen, miz boux vunz ndeu mbouj siujsim doek roengz dah bae, nyex ndaej gyoengqvunz riu dwk dungxin bae.

Mwh dou ngamq yaek lizhai dieg eufwen, ciep daengz aen dienhvah ndeu, yienzlaiz dwg daxboh daxmeh youq baihrog dajgoeng haenx ma ranz lo, gyoengqde dwk dienhvah heuh dou baema. Gou buetdengdeng, buet daengz ranz yawjraen daxboh daxmeh lo. Yienghneix baenz ranz vunz youh ndaej doxcomz youq itheij, doxcaemh dohgvaq aen cietheiq vaiqlag neix.

Neix dwg aen mbanj dou gvaq sam nyied sam ngoenz ndeu, ngoenz neix gou nanznanz cungj mbouj lumz.

(bouxson: Veiz Henz bouxhoiz: Goenggen)

我是一个地地道道的壮族女孩，我从小就讲壮话。爸爸妈妈经常在外打工，我跟奶奶在家生活。

我的家周边大多数是壮族村子。我们壮族有个节日叫三月三，这是壮族重大的节日。三月初三那天，平时冷清的村子，变得热闹起来。那天早上，奶奶带着我和妹妹去到一棵大榕树下烧香，烧完香后还燃放了一小串鞭炮。奶奶说那样做祖宗会保佑我们身体健康，万事如意。

烧完香回家路上，奶奶说咱们去学校附近听山歌。一路上见有许多的外地人来到村里卖东西，村里人很多很热闹。

到了人们聚集唱山歌的地方，我们找了一个位置坐下来，会唱山歌的奶奶加入了唱歌队伍。我听得懂有一句山歌是这样的：三姐传歌振山河。接着，奶奶给我讲解：从前，壮家有个刘三姐，她唱山歌非常厉害。有一次，莫老爷开着船来跟刘三姐比赛唱山歌，唱到一半，刘三姐那一方唱得顺顺的，莫老爷那一方对不上来了，便开始在船上翻歌书，有个人不小心掉进河水里，逗得人们笑得肚子痛。

刚要离开对歌场的时候，接到了一个电话，原来电话是在外打工的爸爸妈妈回到家了，他们打电话叫我们回去。我跑得很快很快，跑到家见到了爸爸妈妈。这样一家人又团聚在一起，共同欢度快乐的节日。

这是我们村过三月三的一天，这天我久久难忘。

（指导老师：韦 贤）