Bi 2017 ndwen 12 ngoenz 26, Namzningz Si Roensiuanh Siujyoz banh aen vanjvei hoh yenzdan coux ciengmoq bi 2018. Namzningz Si Minzcunghveij、Namzningz Si Gyau- yuz Gohyoz Yenzgiusoj、Namzningz Si Minzyijveij、Sihyanghdangz Gih Minzcunghgiz、Sihyanghdangz Gih Gyauyuzgiz daengj danhvei lingjdauj ndaej iucingj bae camgya hozdung.

Baez vanjvei neix cienzbouh yungh Cuengh Gun song cungj vah guh cujciz. Daengx ciengz vanjvei gungh miz 15 aen cezmuz, doenghgij cezmuz neix 70% yungh Vahcuengh biujyienj. Lumjbaenz Roensiuanh Siujyoz biujyienj 《Fwen Itloh Ciengq Maez Vunz》, Luz Cwngsin 《Son Mwngz Gangj Vahcuengh》《Gou Daj Mbanjcuengh Daeuj》, Vangz Genhungz 《Gingq Mwngz Sam Cenj Laeuj》, Vujmingz Gih Gingloz Siujyoz 《Cingz Rim Haeux- naengj Haj Saek》《Fwen Laex Bouxcuengh》, Luz Yiz 《Meh Bae Cammo》《Ngoenzneix Dwg cieng- moq》, Liengzging Gih Nanzyauj Cin Cungsim Hagdangz biujyienj fwenliuzloh 《Fwen Ngeihcib Seiq Cietheiq》 《Fwen Va’ngaeux Hai》 daengj. Doenghgij fwen Bouxcuengh neix yaem’wenq huzndei、 diuh lai yiengh、sing ndeidingq ndaej daengz bouxyawj yienhciengz dopfwngz haenh.

(Veiz Yinjsenz/韦尹璇)