Gou daj iq couh dwg gangj Vahcuengh majhung, ndigah, gou ndiepgyaez gij vahcoj swhgeij, ndiepgyaez Mbanjcuengh dou, ndiepgyaez gij vwnzva Bouxcuengh dou, gou maqmuengh gij vwnzva Bouxcuengh dou itcig swnjcienz roengzbae.

Gangj daengz vwnzva Boux- cuengh, aenciet sam nyied sam gou rox haenx ceiq ndaej daibyauj lo. Baez daengz sam nyied sam, haetromh, gyoengqvunz couh bae gwnz cauhcangz hagdangz ndaw mbanj doxcomz, vunzlaux nyaengq- foedfoed bwh daiz bwh daengq, bouxcoz nyaengqlulu bwh boq venz ciep hek, gyoengq mehmbwk nyaengqnyatnyat bwh gij ndei gwn daihhek…… Dou baenz gyoengq lwgnyez cix muenghyawj bouxhek seizlawz daeuj.

Mbouj geij nanz, bouxhek daeuj lo, seizneix, dou siuj baengzyoux couh ciengj daek caz hawj bouxhek gwn. Gyoengq hauxseng ndaw mbanj dou couh gaem venz boq hwnjdaeuj, gyoengq mehmbwk riengz gij sing venz diuqfoux fofo. Sikhaek, gwnz cauhcangz bienqbaenz aenhaij angqyangz lo.

Mbiengjhaenx venz gokhum- hum, mbiengjneix singfwen rwenz- rwrw. Youq gyaeuj mbanj, gyoengq vunzlaux cingq eufwen, gij fwen haenx dwg aeu Vahcuengh daeuj eu, gou lumjbaenz dingq ndaej rox, youh lumj dingq mbouj rox, hoeng rox- nyinh ndei dingq raixcaix.

Doengxhaemh, ngaizbakranz ceiq nauhyied haenx hainduj lo. Gwnz daiz doxdaep raezrangrang haenx, baij rim gak cungj gak yiengh byaek ndei gwn lajmbanj, miz gaeqdoj vunz mbaw ndanj dou gag ciengx haenx, miz byavahaeux ndaw naz cuengq ciengx haenx, miz nohsoemj, hingsoemj vunz ndaw mbanj gag guh haenx, lij miz haeuxnaengj rangfwdfwd……Dou baenz gyoengq siujbaengzyoux angq raixcaix, mbe dungx gwn ha gwn ha, angq lumj gvaqcieng ityiengh……

Moix bi sam nyied sam, cungj dwg aen saedceij ceiq angqyangz gou.

Lauxsae naeuz dou nyi, sam nyied sam dwg aen cietheiq ciuhgeq Bouxcuengh raeuz, dou mboujdan angqfaengfaeng gvaq ciet hung, lij yaek swnjcienz gij vwnzva ciuhgeq roengzbae.

(bouxson Veiz Henz boux- hoiz Goenggen)

我从小就是说壮话长大的，所以，我热爱自己的母语，热爱我们的壮乡，热爱我们的壮族文化，我希望我们的壮族文化一直传承下去。

说到壮族文化，我所看到的壮族三月三传统节日最有代表性了。每到三月三，一大早，人们都往村里的学校操场上聚集，老人们忙着准备桌子，青年人忙着准备吹芦笙迎客，妇女们忙着准备待客的美食……我们一群娃仔则张望着四方的客人何时到来。

不久，客人们都来了，这时，我们小朋友就抢着端茶给他们喝。我们村里的后生们就拿起芦笙吹奏起来，妇女们随着芦笙的节奏翩翩起舞。顿时，学校操场就变成了欢乐的海洋。

那边芦笙响震天，这边山歌也悠扬。在村头的一个地方，老人们在唱山歌，山歌是用壮语唱的，我好像听得懂，又好像听不懂，但感觉好听极了。

晚上，最热闹的百家宴开始了。摆成一长排的饭桌上，放满了各种各样的农家美食，有我们村人自家养的土鸡，有在稻田里养的禾花鱼，有村里人自制的酸肉、酸姜，还有香喷喷的糯米饭……我们一帮小朋友高兴极了，放开肚皮吃啊吃啊，那个高兴劲就像过年一样……

每年三月三，都是我最高兴的日子。

老师跟我们说，三月三是我们壮族的传统节日，我们不仅要高高兴兴地过大节，还要把壮族优秀传统文化传承下去。

（指导老师 韦 贤）