●Bineix ndwen 1 daengz 11, Cingsih Si “vangjdoxlienz+” doxgaiq reihnaz gwnz densangh siugaingeg dwg 1053.5 fanh maenz, gujsuenq daengx bi siugai cungjngeg daengz 1500 fanh maenz. Neix dwg aen gezgoj ndei he aen bingzdaiz denswj sanghvu “vangjdoxlienz+” Cingsih Si daiq leih’ik laisou daeuj hawj vunzlai.

(Ginz Hungzcangz)

●Bineix daeuj, Lungzlinz Gak Cuz Swciyen aeu doeksaed hwngfat leixniemh guh cawjdaez, aeu hengz- guh haj aen hong gunggeng guh fwngzgaem, nyinhcaen hag gij cing- saenz Cibgouj Daih dangj, cietsaed gaem ndei hong youqgaenj seizneix, haenqrengz doidoengh Lungzlinz ginghci hwngfat riengjvaiq. Daengz seizneix, daengx yienh caizcwng souhaeuj gyoebsuenq guhsat 62407 fanh maenz, guhsat 100.17% nienzco yawhsuenq moegbiu, doengzbeij gyalai 4278 fanh maenz, daezsang 7.36%, saedyienh caizcwng souhaeuj guhsat 6 ik maenz cungbyoengq moq.

(Vangz Hungzyenz)

●Mboengqneix, bi 2017 gaiq daihngeih “vahgangj henzguek caeuq minzcuz vwnzva lundanz” youz Guengjsae Minzcuz Swhfan Yozyen cawjbanh，Aen Cungsim Yenzgiu Vwnzva Minzcuz Vunznoix Henzguek Guengjsae ciepbanh haenx youq Guengjsae Minzcuz Swhfan Yozyen banh. 100 lai boux lauxhangz daj gauhyau、yenzgiu gihgou ndaw gih rog gih daeuj haenx doxcomz Cungzcoj, caez damqlwnh yenzgiu gij vwndiz mizgven vahgangj henzguek Guengjsae caeuq minzcuz vwnzva haenx.

(Cinz Singhsingh)

●Bineix daeuj, vih gvancez gij cingsaenz “aenhoih doxgyau ging- niemh heiq haeuj hagdangz daengx guek” Cunghgung Cunghyangh Senh- conzbu、Gyauyuzbu、Vwnzvabu cujciz hai haenx, doidoengh Cunghvaz conzdungj vwnzva youq cungh siuj hagdangz cienzboq caeuq cienzdoh, Dwzbauj Yen giethab bonj dieg saedsaeh, yungh Heiqcuengh baih- namz guh cujyau hozdung haiguh baenzdauq “heiq haeuj hagdangz” hozdung. Daengz seizneix, aen yienh neix 42 aen cungh siuj hagdangz haiguh mizgven Heiqcuengh dangz- goq sonhag 820 dangzbaez; gaenq guh 11 ciengz Heiqcuengh haeuj hagdangz vwnzyi yienjok hozdung, ndaej daengz lauxsae hagseng daengx yienh haenh.

(Cinz Siubeih)