Ndwen 12 ngoenz 21, Namz- ningz Si Minzyijveij hai Aenhoih Naenghdamz Geiqniemh Gozvuyen Fatbouh 《Fueng’anq Sawcuengh》 60 Hopbi. Baez hoih neix muzdiz dwg vih cienzmienh hagsib gvancez gij cingsaenz Cibgouj Daih dangj caeuq gij cingsaenz aenhoih swcigih geiqniemh Gozvuyen fat- bouh 《Fueng’anq Sawcuengh》 60 hopbi caeuq byaujcangh senhcin hong sawvah minzcuz vunznoix Guengjsae, cungjgez dauqyawj 60 bi daeuj daegbied dwg gij cingzcik caeuq gingniemh gaenh 10 bi neix daeuj Namzningz Si hong Sawcuengh Vahcuengh aeundaej haenx, damq- lwnh gij hong Sawcuengh Vahcuengh seizneix caeuq duenh coglaeng.

Aenhoih cienznaeuz le gij cing- saenz swcigih aenhoih geiqniemh byaujcangh caeuq aenhoih naengh- damz, doengbauq le gij cingzgvang hong sawvah minzcuz Namzningz Si seizneix, dingq le gij bauqlwnh cingzgvang guhhong、genyi yigen mizgven lauxhangz、gak yienh gih aen bouhmonz guhhong sawvah minzcuz haenx.

Hai hoih sat le, gyoengq boux camgya hai hoih bae yawjngonz le gij cingzgvang hong yungh Sawcuengh Vahcuengh mbanjguhyiengh cung- hab Cinghsiu Gih Gujyozboh aenmbanj Bouxcuengh comzyouq caeuq Funglingjbwz Segih, gak yienh gih minzyijgiz naeuz yaek cungfaen hag gij gingniemh maenhndei Cinghsiu Gih youq segih、mbanj- guhyiengh doihengz Sawcuengh haenx, cienjbienq doigvangq, dawz daeuj bonjfaenh yungh.

Si、yienh gih bouxfucwz aen bouhmonz guhhong sawvah minzcuz、minzcungh caeuq mizgven lauxhangz hong sawvah minzcuz camgya hai hoih.

(Veiz Yinjsenz/韦尹璇)