12 nyied 7 hauh, Yungzsuij Manmyauz Vwnzva Cungsim dungj- swcangj mbwk Lij Yihyenz caeuq 8 boux canghsiuq mbwk Yungzsuij、Sanhgyangh、Gveicouh daiq gij siuq conzdungj Myauzcuz daengz le aen hozdung cawjdaez “Cungguek vwnzva dinfwngz conzdungj byaij haeuj Yinghgoz” youq Yinghgoz Lunzdunh gawjbanh haenx.

Dang ngoenz, youq diegciengz baijyienj ndangdaenj seizhwng aeu “swnjcienz sim canghdajnyib siengj- muengh siuq bakbi” ma guh cawjdaez haenx, 40 dauq buhvaq cungj dwg siuq miz vasaek dozanq Myauzcuz、Cungh Yingh sezgiswh lienzhab sezgi haenx youz gyoengq mozdwz baijyienj okdaeuj. Sojmiz gij buhvaq baijyienj haenx cungj dwg sawjyungh gij yenzsu siuq Myauzcuz Yungzsuij、Sanhgyangh caeuq Gveicouh caeuq ciuhneix sezgi doxgiethab, dawj gij dozanq siuq conzdungj Myauzcuz yungzhaeuj ndaw ndangdaenj seizhwng bae, baijyienh le gij gyaeundei caeuq gij minghhoengh hwngfat Myauzcuz conzdungj vwnzva, vih ngoenzcog song dieg gij siuq sezgi、doigvangq caeuq gaicawx daezhawj haeujcoengh caeuq bangcoh caep roengz giekdaej ndei.

(Veiz Ciginh/韦志军 Lij Yihyenz/李伊园)