●Geij bi neix daeuj, Gvan- yangz Yen cujciz ranzgungzhoj gyahaeuj aen hozcozse guh gai faenjmaenz, yungh aen bingzdaiz densangh siugai, faenjmaenz gax- gonq gyaqcienz daemq haenx, seizneix gyaqcienz ndaej daezsang caemhcaiq gai bae dieggyae gak dieg, baenz gij canjnieb youqgaenj hawj nungzhoh vut gungz baenz miz.

(Dangz Yungzgvei)

●Mboengqneix, Yungjfuz Yen aen senhgyangjdonz gangj gij cingsaenz Cibgouj Daih dangj bae daengz 9 aen yanghcin aen yienh neix, banh le 27 ciengz ciendaez senhgyangj. Gyoengq bouxguhhong senhgyangjdonz daengz Baujlij Cin Cazliu Cunh Mbanjdunghding、Gvangjfuz Yangh Aijlingj Cunh daengj 18 aen mbanj bien’gyae, yungh vah beksingq gangj gij saeh beksingq gvansim, ndaej beksingq angqcoux.

(Binh Cwnggenh)

●Geij bi neix daeuj, Lingzsanh Yen doenggvaq banh citheiq yisuz haeuj dangzgoq、citheiq yienjok haeuj hagdangz、cujciz canghheiq mizmingz haeuj hagdangz haiguh cawjdaez saedhengz hozdung, mboujduenh gya’gvangq diuz roen cienzdoh citheiq, cienzmienh doi- caenh hong “citheiq haeuj hagdangz”, hawj de caeuq hagdangz gyauyuz sonhag saedhengz doxyungz.

(Luz Binh)

●Bineix daeuj, Denzyangz Yen gaenxmaenx sonyinx gak gaep hagdangz haiguh hagseng caeuq bohranz doxdoengh daegsaek gyau- yuz hozdung, gyagiengz gyaranz caeuq hagdangz doxdoeng doxgyau, cauxlaeb aen gihci gyaranz hagdangz doxgap aeu hagseng bohranz gvan- haeh huzndei guh giekdaej haenx, caenh’itbouh daezswng gyauyuz suijbingz.

(Maj Nizya Lij Cunghhungz)

●Geij bi neix daeuj, Yungzsuij Myauzcuz Swciyen Hungzsuij Yangh baengh gij swhyenz deihleix diuzgienh bya sang mok lai, yungh gij banhfap mbawbanj nem non yaeuh non gaj non、 vunzhong ciemz nywj caeuq dwk bwnhranz daengj, yungh gij vunqsik “gunghswh+gihdi+hozcozse+ranzgungzhoj”, daiqdoengh 1000 lai ranzgungzhoj ndaem 4000 lai moux suencaz mbouj miz goenghaih, gya’gvangq diuzroen gai, vunz ranzgungzhoj bingzyaenz laisou 2000 lai maenz, doidoengh le cinjcing bangfuz.

(Lungz Dauh)