Daxgoeng gou song fwngz de cungj maj rim daw, lwgfwngz cocat yawj hwnjbae miz di bwnh, hoeng danghnaeuz mwngz yawjraen din- fwngz daxgoeng gou, itdingh haenh de fwngz caen lingzgiuj.

Daxgoeng guh gij hong luih duk gig okmingz. De sien yungh caxluihduk dawz faexcuk luih baenz baenz diuz baenz diuz, duk de luih haenx mbang lumj mbawceij, hung iq yinzyubyub. Yienzhaeuh, de couh yungh gij duk faexcuk neix daeuj san aenloz、aenlad、aenrieng……. Gij doxgaiq daxgoeng san okdaeuj haenx, mboujdan ndei yawj, vanzlij yungh ndaej nanz dem. Daegbied dwg aenrieng de san haenx, gij yiengh de gig lai, iq lumj aen hozloz, hung couh lumj aendungx duzbaed. Mboujguenj dwg hung roxnaeuz iq, moix aen rieng cungj dwg daejrieng bingz- bwd, ndangrieng gietsaed, bak- rieng hungmaenh. Gou gingciengz dawz aenrieng dauqdingq gvaq- daeuj dangguh aendaengq naengh, aenrieng naengh ndaej maenh- cupcup.

Daxgoeng lij miz gij dinfwngz bouj muengx. Mwh bouj muengx, daxgoeng dawz muengx rag ndaej bingzbingz cingjcingj, fwngzyinx fwngzmeh fwngzswix gaeu damuengx ndaet, fwngzgvaz dawz cimboujmuengx haenx yaep hwnj yaep roengz, yaep gvaz yaep swix. Fag cimboujmuengx youq ndaw fwngz daxgoeng lumj miz lwgda nei, riengjret ndonj hwnj ndonj roengz, hawj vunz yawj ndaej dava bae. Mbawmuengx vaihved he, ginggvaq fwngz daxgoeng bouj le, mwngz cungj ra mbouj raen gij riz yienzlaiz vaih haenx.

Moix baez yawjraen aenrieng daxgoeng san roxnaeuz fan- muengx daxgoeng bouj gvaq haenx, gou cungj nyaenx mbouj ndaej gag haenh coenz he: “Fwngz daxgoeng caen lingzgiuj ha!”

(seiq nienzgaep Se Gyahmingz)