●Vih doeksaed ndei vwnzva leihminz gunghcwngz, fungfouq gij saedceij vwnzva seizhoengq vunzlai lajmbanj, bineix daeuj, Denzyangz Yen Minzyijban caeuq denyingj gunghswh doxgap, youq 10 aen yanghcin 85 aen hingzcwngcunh aen yienh neix cunzdauq cuengqingj, cuengqingj gij yingjben gyaez guek cujyi gyauyuz、faplwd fapgvi、nungzyez gisuz、fuengz deng caeg ciengzsik daengj fuengmienh daez- caiz. Daengz seizneix, aen yienh neix gaenq cuengqingj denyingj Vah- cuengh 90 ciengz, bouxyawj daih’iek 2 fanh boux.

(Vangz Veihanz)

●Bineix daeuj, Dwzbauj Yen hopheux “canjnieb ndaw mbanj cienzbouh cwgoemq, cizdij ndaw mbanj miz souhaeuj, ranzgungzhoj ndaej ndeicawq” moegbiu, damqra “saeddaej daiqdoengh” vunqsik hwngfat ginghci lajmbanj, ciuq dieg bae ndaem makdoengj、gonengz- nuengx daengj “haj aen cib fanh” gunghcwngz canjnieb caeuq gizyawz “dinj bingz vaiq” canjnieb hangh- moeg, guhbaenz “it mbanj it yiengh”, “it mbanj lai yiengh” canjnieb gwz- giz, hawj ginghci lajmbanj hwngfat.(Cinz Yinzbauj Nungz Cinvanh)

●Geij bi neix daeuj, Dasinh Yen genhciz gyauyuz ciemqgonq hwngfat leixniemh, mboujduenh gyalai gyauyuz cuengqhaeuj ligdoh, dieg henzguek gak loih gyauyuz ndaej daengz riengjvaiq cangqheiq hwngfat, aen yienh neix yaek laebdaeb gyalai cungh siujyoz gyauyuz swhyenz cingjhab ligdoh, ciemqgonq anbaiz gizdieg yivu gyauyuz swhyenz, doek- saed aen gihci ciengzgeiz mizyauq yivu gyauyuz bingzyaenz hwngfat, mboujduenh hawj vunzlai ndaej habhoz doiq gij aeuyungh gyauyuz maenhndei haenx.

(Luz Boh’an)

●Daj aen hozdung senhgyangj gij cingsaenz Cibgouj Daih dangj hainduj doxdaeuj, Denzlinz Yen Luzlungz Cin giethab vunzlai dang- dieg maij Heiqcuengh aen daegdiemj neix haiguh senhgyangj hozdung. Aen cin neix cujciz 18 aen cujguhhong senhconz bae daengz 18 aen cunh diegguenjleix, yungh gij vah vunzlai sugrox haenx aeu senhgyangj neiyungz bien haeuj Heiqcuengh bae, bae mbanj、segih、hagdangz、giyez haiguh senhgyangj hozdung, caeuq gyoengq ganbu vunzlai gihcwngz doxgyau, hawj caezgya dingq rox, ndaej roxyiuj, ndaej doeksaed.

(Yangz Cinghyinz)