11 nyied 29 hauh, Dasinh Yen youq aen yienh neix Gingjgih Diegsien Lungzgungh gawjhengz aen yizsi haiguh hozdung “Dasinh gyaeundei raeuh·bae youz mbouj aeu cienz”, senhbu Dasinh Yen vunz bonjdieg daj 11 nyied 27 hauh daengz bimoq 3 nyied 8 hauh baengh sinhfwncwng couh mbouj yungh mbon ngaenz cawx biuq bae youz ndaw yienh sojmiz gingjgih, lij guh diuq fouxsaux、daem caez、vwnzyi yienjok daengj lai cungj lai yiengh hozdung, yinx ndaej haujlai hekyouz camgya caeuq daejniemh.

Ciuq cam rox, “Dasinh gyaeundei raeuh·bae youz mbouj aeu cienz” aen hozdung neix dwg Dasinh Yen vih sawj vunzlai dangdieg guhcingq lijyouz hwngfat cwngzgoj、gamjsouh daengz lijyouz hwngfat heiqsik、caemhyiengj lijyouz hwngfat cwngzgoj cix doiok gij youhvei hozdung neix, doengzseiz muengh dangdieg vunzlai doenggvaq youz gingjgih le, bouxboux dang hwnj senhconzyenz, vih bonjdieg lijyouz hwngfat daezok yigen、genyi, coicaenh aen yienh neix lijyouz engq ndei engq vaiq hwngfat.

(Cinz Civanj/覃志婉 Yangz Sanyez/杨善越)