11 nyied 21 hauh doengxhaemh, “Hocouh Si geiq- niemh 《Fueng’anq Sawcuengh》 fatbouh 60 hopbi nem canghfwen ban daezswng vwnzyi vanjvei” hozdung youq Cauhbingz Yen Vangzyauz Cin Mbanjcuengh Fungliz gawjhengz.

Hozdung yienhciengz, gij canghfwen Bouxcuengh daj Fungliz、Bazbu Gih Nanzyangh caeuq gij canghfwen Yauzcuz daj Fuloz ndaw yienh、Fuconh Hwzsanh、Cunghsanh Liengjanh、Bazbu Gih Budouz、Bingzgvei Dabingz daeuj haenx, ndang daenj buhvaq minzcuz, aeu fwen doiqciengq、habciengq caeuq fouxfwen giethab cungj fuengsik neix faenbied langhyienj le Bouxcuengh、Yauzcuz song aen minzcuz gij minghhoengh fwen vah bonjdieg, hawj bouxyawj soengq hwnj le ciengz heiqhoengh vwnzva Bouxcuengh Yauzcuz lai cungj lai yiengh ndei dingq youh ndei yawj he.

Vanjvei daengz cungqgyang le lij cab haeuj minzcuz cihsiz mizciengj camdap hozdung, yienhciengz vunzlai doxciengj camgya. (Hoz Vazlanz/何华兰)