Cau Swjhauz guh seng’eiq fatcaiz lo, ok cienz youq rogsingz cawx gaiq dieg ndeu, hwnq ndaej aen ranzbezsu sam caengz laeuz he, aen daemz caemx raemx ndaw suenva gig miz baijdaeuz, laeng ranz lij miz golaehcei bak bi ndeu, mwhhaenx cawx dieg couh dwg yawjdeng go faex neix, byawz hawj mehyah de ngah gwn maklaehcei ni.

Mboengq dajcang aen laeuz haenx, baengzyoux gienq de ra boux deihleix sienseng ndeu daeuj yawjyawj, mienx ndaej famhgimq duzbaed. Cau Swjhauz yienzbonj mbouj saenq gij saeh neix, baezneix gawqyienz doengzeiq lo, lij cienmonz bae Yanghgangj cingj boux goengsae ndeu.

Boux goengsae singq Cauz, guh gij hong neix ndaej samcib lai bi lo, youq ndaw bangdoih okmingz raixcaix.

Youq ndaw singz gwn haeux le, Cau Swjhauz hai ci dap Cauz goengsae bae coh rogsingz. Youq gwnz roen, danghnaeuz baihlaeng miz ci yaek mauhgvaq bae, Cau Swjhauz cungj nyiengh roen hawj vunz.

Cauz goengsae riu naeuz:“Cau lauxbanj hai ci caen onjdangq bw.”Yienznaeuz dwg vunz Yanghgangj, hoeng bujdunghva de lij suenq gangj ndaej raeuzred.

Cau Swjhauz riuhaha:“Gij vunz yaek mauh ci haenx dingzlai miz saehgip, caen mbouj ndaej nguh gyoengqde.”

Byaij daengz aen haw iq, gij roengai haw iq beij ndawsingz gaeb haujlai, Cau Swjhauz menhmenh hai ci.

Laeq lwgnyez ndeu angqvauvau daj gehhongh buet okdaeuj, Cau Swjhauz baez cap ci nyiengh roen de , lwgnyez riuhehe buet gvaqbae le, de lij mbouj caengz hai ci doxbae, cixdwg muenghyawj bak gehgongh, lumjbaenz cingq deq gijmaz, yaepyet, youh miz laeq lwgnyez he cung okdaeuj, gyaep laeq lwgnyez gaxgonq haenx bae gyae lo.

Cauz goengsae doeksaet cam:“Mwngz baenz- lawz ndaej rox baihlaeng lij miz lwgnyez?”

Cau Swjhauz yungyedyed song mbaq:“Lwgnyez cungj haengj doxyaek doxnyex, gag de boux dog cix mbouj riu ndaej baenzneix haisim.”

Cauz goengsae daengj hwnj mehfwngz, riu naeuz:“Mizsim.”

Daengz aen ranzbezsu le, ngamq roengz ci, laeng ranz sawqmwh miz caet bet duz roeg mbinfofo okdaeuj, raen yienghneix, Cau Swjhauz dingz youq bakdou, simnden doiq Cauz goengsae naeuz:“Mazfanz goengsae youq bakdou deq yaep he.”

“Miz maz saeh ha?” Cauz goengsae caiq doeksaetyat.

“Laeng ranz haengjdingh miz lwgnyez caeg mbaet maklaehcei, dou seizneix haeujbae, lwgnyez swhyienz simvueng, saeklaeuq doek roengzdaeuj couh mbouj baenz lo.” Cau Swjhauz riu naeuz.

Cauz goengsae caemyaemz yaep he, naeuz:“Gij deihleix aen ranz mwngz mbouj yungh yawj lo.”

Baezneix lwnz daengz Cau Swjhauz doeksaet lo:“Goengsae baezlawz gangj coenz vah neix?”

“Gizdieg miz mwngz youq haenx, cungj dwg dieg ndei deihleix.”

赵子豪做生意发了财，花钱在郊区买了块地皮，修了栋三层的别墅，花园泳池很是气派，后院更有一株百年荔枝树，当初买地就是看中了这棵树，谁叫他老婆喜欢吃荔枝呢。

装修期间，朋友劝他找个风水先生看看，以免犯煞。原本不怎么信这套的赵子豪，这次居然表示赞同，专程去香港请了个大师。

大师姓曹，从事这一行三十余年，圈内很有名气。

在市里吃过饭，赵子豪开车载着曹大师前往郊区。一路上，如果后头有车要超，赵子豪都是避让。

曹大师笑道：“赵老板开车挺稳当呢。” 虽然是香港人，一口普通话还算流利。

赵子豪哈哈一笑：“要超车的多半有急事，可不能耽误他们。”

行至小镇，小镇的街道远比市内要狭窄，赵子豪放慢了车速。

一名小孩嬉笑着从巷子里冲了出来，赵子豪一脚刹车堪堪避开，小孩笑嘻嘻的跑过去以后，他并没有踩油门前行，而是看着巷子口，似乎在等着什么，片刻，又有一名小孩冲了出来，追赶着先前那名小孩远去。

曹大师讶然问：“你怎么知道后头还有小孩？”

赵子豪耸耸肩：“小孩子都是追追打打，光是一个人他可不会笑得这么开心。”

曹大师竖起了大拇指，笑道：“有心。”

到了别墅，刚下车，后院突然飞起七八只鸟，见状，赵子豪停在门口，抱歉地冲曹大师说道：“麻烦大师在门口等一会。”

“有什么事吗？”曹大师再次讶然。

“后院肯定有小孩在偷摘荔枝，我们现在进去，小孩自然惊慌，万一掉下来就不好了。”赵子豪笑着说道。

曹大师默然片刻，“你这房子的风水不用看了。”

这次轮到赵子豪讶然了：“大师何出此言？”

“有您在的地方，都是风水吉地。”