Gojyingh dwg ranznden Yabeiz, baez rox Ginh Fuzdingz yaek daeuj, caeuxcaeux couh cawj ndei caz, daenj hwnj ndang buhvaq caezcingj ndeu deqcaj youq lo.

Gwncaeuz sat, duicangj gungz daiq Ginh Fuz- dingz daeuj cunzranz. Ngamq haeuj ranz, de couh doiq Gojyingh naeuz：“Baezgonq mwngz bae doiq fwen, baezneix de daeuj doiq sim lo!”

Gojyingh doq doenq daengq doq gangjriu：“Sim gou ndaem, lauheiq doiq mbouj ndaej ne.”

“Fangzhwnz lij naemj dwk laeujvan van, nywjhom hom ne, baenzlawz doiq mbouj ndaej?” Duicangj gungz lumj yienjheiq nei, “lwnh mwngz ba, de dwg miz fag cim, noix diuz mae; miz aen lamz, noix gaem byaek. Gou couh dwg boux yien cim yinx mae haenx, daiq de riuj lamz haeuj suenbyaek mwngz daeuj lo.”

“Suen gou mbouj maj byaekheu maj gorum.”Gojyingh riuhehe dwk dap.

“Byaekheu mbouj lumj byaekcwx van bw!” Ginh Fuzdingz hix riu dwk naeuz.

……

Couh yienghneix, boux cam boux dap, boux ciengq boux riengz, vaiqvwt couh dawz gienh saeh haenx gangj baenz lo. Youq haemh Ginh Fuzdingz lizhai Byagujhanz haenx, duicangj gungz youq dangqnaj Gojyingh cam Ginh Fuzdingz：“Mwngz dwg haq dahlwg gonq, roxnaeuz aeuyah gonq?”

“Couh gauj song heij hwnjdou ba, doq haq doq ciep, guh it ndaej sueng!”

Duicangj gungz youh cam：“Mwngz dwg hag fuengfap Bouxcuengh——Aemq nangzbawx byaij giuzfaexdog ne, roxnaeuz hag Bouxyauz——Nangzbawx daeuj le mwngz ndoj deuz?”

Ginh Fuzdingz yawj le Gojyingh da ndeu, lumj raemj ding raemj diet dwk naeuz：“Buqlaeh bae guh!”

Dahraix, mbouj gvaq geij ngoenz, ciuq ngoenz duenq ndei haenx, song doih vunz soengqyah ciepyah, rap dwk mboklaeuj、roixnohcug, boqboq roqroq dangjnaj byaij daeuj. Byaij daengz byonghloh, song doih gyoebhab doengzcaez, youq gwnz ndoinywj buenzcux, loxlez boq yiengj fwengietvaen, bouxboux fwngz ndeu bungj cenjlaeuj, fwngz ndeu gaem roixnohcug, doq ndoet doq gwn, doq gangj doq riu. Nauhyied le buenqngoenz, youh bienqbaenz song doih ciepyah, gag boqboq roqroq ma mbanj lo.

Aenyienz youz makgak yinxhwnj haenx camh dingz roengzdaeuj lo. Ngoenzlaeng dingq gangj, Ginh Fuzdingz caeuq Gojyingh gvaq ndaej mbouj loek; duicangj gungz youq Yabeiz caeuq Ginh Vah bangfwngz lajde, dawz gij saedceij Byagujhanz sousib ndaej hix ngoenz beij ngoenz ndei lo……

(7 sat)

果英是亚培邻居，一知道金福廷要来，老早就泡好茶，穿上一身整齐的衣服。

吃罢晚饭，穷队长带金福廷来串门。一进屋，他就对果英说：“上次你去对歌，这回他来对心了!”

果英一边挪凳叫坐，一边开玩笑：“我的心是黑的，恐怕对不了。”

“梦里还想甜酒甜，香草香哩，岂能对不了?”穷队长像演戏似的，“告诉你吧，他得颗针，少条线；得个篮，少把菜。我就是牵针引线人，带他提篮进你菜园的!”

“我园里没长青菜长野草。”果英笑嘻嘻地答。

“青菜不如野菜甜嘛!”金福廷也笑着说。

……

就这样，一问一答，一唱一和，很快就把事情谈妥了。在金福廷离开苦寒山的头一晚，穷队长当着果英的面问金福廷：“你是先嫁女呢，还是先讨媳妇?”

“来个双喜临门吧，一送一接，一举两得!”

穷队长又问：“你是学壮人的办法——背媳妇走独木桥呢，还是学过山瑶——媳妇来了你避开?”

金福廷望了一眼果英，斩钉截铁地说：“打破常规!”

果然，没过几天，按约定的日期，两支送迎亲队伍，挑着酒筒、熟肉串，吹吹打打迎面而来。到了半路，汇合一起，在草坡上盘腿而坐，唢呐奏起新婚曲，人人一手捧酒杯，一手拿熟肉串，边喝边吃，边谈边笑。热闹了半天，又变成两支迎亲队伍，各自吹吹打打回寨而去。

由八角引起的姻缘告一段落。日后听说，金福廷和果英过得不错；穷队长在亚培和金花帮衬下，把苦寒山的生活也打点得一天比一天好了……（7 完）