Miz ngoenz he, gou caeuq daxboh youq aen bouqgaigwn he gwn haeuxcaeux. Gwn sat le, daxboh hawj gou 20 maenz bae gyau cienz. Mehsimj gai gwn haenx naeuz: “Itgungh 12 maenz.” Gou ndenq cienz hawj mehsimj, mehsimj cauj geij mbaw cienzlingz hawj gou.

Daxboh geqgeq le, cam: “Baenzlawz dwg 9 maenz?” Gou naeuz: “Haengjdingh dwg mehsimj lai cauj 1 maenz hawj raeuz lo.” Daxboh cam: “Yienghneix mwngz naeuz wnggai baenzlawz guh ne?” Gou mbouj yaemhywx saek di, daj ndaw fwngz daxboh aeu maenz ngaenz he boiz hawj mehsimj. Mehsimj naeuz: “Docih mwngz, siujbaengz- youx! Mwngz caen dwg boux lwgnyez ndei lauxsaed souj- saenq he.” Mwhde, gou ndaw- sim gig angq.

(ngeih nienzgaep Vangz Cwnyij)