Ndwen 11 ngoenz 13, riengzdwk baenz raq baenz raq sing ngeihyienz ndokmax ndeidingq, ndaw liengzdingz Fanghsanh Gunghyenz Dwzbauj Yen cienz ok baenz raq baenz raq sing ciengq Heiqcuengh. Neix dwg ciengz daih’it yienjok aen gyangjsizsoj riuz- doengh Dwzbauj Yen gangj gij cing- saenz Cibgouj Daih, yienjok yienh- ciengz vunz daeuj yawj gig lai, lij seiz mbouj seiz bekfwngz huhu.

Baez yienjok neix gungh miz 《Haeujdaengz Seizdaih Moq》《Gij Cingzcik Cibbet Daih Nyoengx Sim Lwgminz》 《Lohsienq Fuengyiengq Cibgouj Daih Rongh》《Gij Rongh- lwenq Dangj Ciuq Coglaeng》《Gij Gvaqsim Suhgi Daih’it》 daengj 8 aen cezmuz, miz vaiqbanj Heiqcuengh、Heiqcuengh siujcuj ciengq、doiq fwen daengj hingzsik, cungj dwg gij cezmuz hingzsik vunzlai haengj dingq gyaez yawj haenx, vah doengsug rox ngaih, lij yungh ngeihyienz ndokmax Dwz- bauj daegbied gagmiz haenx guh yienjok buenxciengq, hawj yienh- ciengz haujlai vunz nyaenx mbouj ndaej gaen dop banj.

Ciuq cam rox, vih baujmaenh senhconz gij cingsaenz Cibgouj Daih dangj fuengyiengq byaij mbouj mbieng, Dwzbauj Yenveij Senhconzbu cujciz vunz biencauh cezmuz, haeujlaeg habsib Cibgouj Daih baugau, cezmuz neiyungz cogauj guhbaenz le, cienmonz hai hoih yenzgiu coihgaij guhndei, doeklaeng cij guh baizlienh. Yamq laeng aen doihvwnzyi Heiqcuengh neix lij yaek byaij haeuj hagdangz、yanghcin gyangjsizsoj guh cunzyienj, hawj gij cingsaenz Cibgouj Daih cienz daengz cien ranz fanh ranz, caen soengq daengz ndaw sim vunzlai bae.

(Yangz Sezgyah)