Mauznanz-

cuz Swciyen Laebbaenz 30 Hopbi

Ndwen 11 ngoenz 18, Vanz- gyangh Mauznanzcuz Swciyen banh aen hoih hung angqhoh, angqhoh swciyen laebbaenz 30 hopbi. Daengx Guek Yinzda Minzveij、Guekgya Minzveij Cukhohduenz, Swcigih Daiqbiujduenz, Hozciz Si Daiqbiuj- duenz, gak dieg bouxhek caeuq Vanzgyangh daengx yienh 38 fanh vunz gak cuz vunzlai caez gvaq aen hoihhoengh neix.

Daengx Guek Yinzda Minzveij、Guekgya Minzveij Cukhohduenz donzcangj, Guekgya Minzveij Cizsuz Gihgvanh Dangjveij fusuhgi、Gijveij suhgi Goz Genminz haengjdingh caeuq cukhoh gij cingzcik Vanz- gyangh 30 bi neix daeuj aeundaej haenx.

Swcigih Daiqbiujduenz donz- cangj, Swcigih Dangjveij cangzveij、Cwngfazveij suhgi Vangz Siyungj daiqbiuj Swcigih Dangjveij、Yinzda、Cwngfuj、Cwnghez、Guengjsae Ginh- gih yiengq Vanzgyangh biujsiq cuk- hoh, muengh Vanzgyangh giendingh mbouj bienq henhoh gij gienzvi caeuq gyoebcomz doengjit lingjdauj aen dangjcunghyangh aeu Siz Gin- bingz dungzci guh haedsim haenx, doidoengh ginghci laebdaeb cangq- heiq hwngfat, doicaenh hwnjguh beksingq saedceij, dwkhingz ciengz ciengq vut gungz gunggeng, mbouj- duenh aeu minzcuz doxgiet cinbu saehnieb hwngfat baenaj.

Daengx Guek Yinzda Minzveij、Guekgya Minzveij Cukhohduenz fudonzcangj, Daengx Guek Yinzda Minzveij Bangunghsiz fucujyin Lij Yangjdi doeg gij hohdienh Daengx Guek Yinzda Minzveij、Guekgya Minzveij. Swcigih Daiqbiujduenz fudonzcangj、Swcigih fucujsiz Vangz Veijgingh doeg gij hohdienh Swcigih. Swcigih Daiqbiujduenz soengq “aen bingzbauj minzcuz doxgiet”、hohbenj hawj Vanzgyangh. Swcigih Daiqbiuj- duenz fudonzcangj, Swcigih Yinzda Cangzveijvei fucujyin Yungz Swsingh、Swcigih Cwnghez fucujsiz Gauh Fungh、Guengjsae Ginhgih fucwng- veij Vangz Gvanghmingz, Swcigih Gaugaep Yinzminz Fazyen yencangj Vangz Gwz camgya aen hoih hung neix.

Vanzgyangh dwg daengx guek aen Mauznanzcuz swciyen dandog, ndaw gyaiq miz Mauznanz、Cuengh、Gun daengj 10 lai aen minzcuz, gyaeujvunz gungh 38 fanh vunz, ndawde Mauznanzcuz miz 6 fanh lai vunz, daih’iek ciemq 60% gyaeuj- vunz Mauznanzcuz daengx guek. 30 bi daeuj, Vanzgyangh ginghci hwngfat riengjvaiq, canjnieb hwngfat daezsang yienhda, vut gungz gunggeng cingzyauq yienhda, lijyouz canjnieb hwngfat ndaej ndei, yienghsiengq hawsingz lajmbanj bienq moq. Bi 2016, saedyienh aendieg swnghcanj cungjciz 45.3 ik maenz yinzminzbi, caizcwng souhaeuj 3.55 ik maenz, faenbied dwg 11.54 boix caeuq 48.4 boix bi 1987; vunz hawsingz bouxvunz bingzyaenz ndaej ceiboiq souhaeuj 23066 maenz, vunz lajmbanj ndaej ceiboiq souhaeuj 8122 maenz.

(Yiz Yoz)