Lauxsae sug gijmaz?

Ndaw goqdangz, Ciz Loz cabheiq haenx mbouj ndeindei dingq goq, laeglemx guh siuj- dungcoz. Lauxsae bek aen cathwzbanj, sing hung baez hat, Ciz Loz sikhaek deng hwk youq lo, gvaigvai naengh ndei.

Gou guj, lauxsae wnggai sug duzguk ak.

Lauxsae sug gijmaz?

Roengzdangz le, Maj Dungh ngahgwn haenx laeglemx mbiq ceijdangz, dawz naed dangzcij he cuengq haeuj bak bae. Lauxsae nyouq aenndaeng, swnh gij feih mup gvaqdaeuj lo. Maj Dungh sikhaek haep aenbak ndaetndaet bae. Lauxsae riu naeuz: “Gaej cang lo, gou cungj mup daengz feih hom dangzcij lo!”

Gou guj, lauxsae wnggai sug duzma ndaeng lingz haenx.

Lauxsae sug gijmaz?

Cuengqhag lo, gou yawjraen lauxsae lij youq bangunghsiz ngaem gyaeuj gaij cozyez, bonj youh bonj, dab youh dab……

Gou guj, lauxsae wnggai dwg sug duzvaiz gaenx guh haenx ba.

(sam nienzgaep Dai Yimungz)