●Mboengqneix, Bak- saek Si Yougyangh Gih lingjdauj ganbu haeuj mbanj haeuj ranz daengz ranz lienzhaeh bangfuz haiguh hong bangfuz, rox- yiuj ranzgungzhoj swngh- canj saedcaeq cingzgvang, sonyinx hwngfat swnghcanj doengzseiz, naj doiq naj caeuq gyoengqde senhconz gij cingsaenz Cibgouj Daih dangj, doengzcaez hagsib gij swhsiengj moq、moegbiu moq、cwzloz moq “cingcinj vut gungz” Cibgouj Daih baugau daezok haenx, caeuq gij iugouz moq genhgez dwkhingz ciengq vut gungz gunggeng haenx, gyalai gij saenqsim vunzlai vut gungz haeuj siujgangh.

(Vuz Yiswngh)

●Ndwen 11 ngoenz 11 daengz 12, Baksaek Si Lingzyinz Yen banh gaiq daihsam hoh fungsou baenzdauq minzsuz dijyuz hozdung, yinx ndaej aen daibyaujdui aen hezvei seizdoeng dajcaemx daengx guek gak dieg caeuq vunzlai dangdieg 1000 lai boux camgya, gyoengq boux camgya hozdung youq ndaw Dahswsuij youz raemx gaeb bit、youq ndaw naz doxdax gaeb bya, yienhciengz nauhyied raixcaix, yinx ndaej baenz fanh vunz bae yawjngonz.

(Cuz Youjvei)

●Bineix daeuj, Denz- yangz Yen cungfaen fatok gij “song daiq” yauqwngq dangjyenz lajmbanj daiq- daeuz baenz miz、daiq vunzlai baenz miz, doeng- gvaq cingjhab swhyenz gungganq 200 aen gihdi guhyiengh dangjyenz cauh- nieb, bangfuz ranzgungzhoj haenqrengz hwngfat vaiz- noh、yiengznoh、gaeq、ndaem mak daengj daeg- saek “sam ciengx it ndaem” canjnieb. Seizneix, daengx yienh laebbaenz douzcanj gihdi 176 aen, gungh sou 1.82 fanh boux vunzlai gungzhoj camgya canjnieb haifat.

(Vangz Cwngyi Maj Nizya)