Ndwen 11 ngoenz 3, 《Denhdwngj Ngoenzneix》 aen cienbanj minzcuz saehmoq cingqsik caeuq bouxdoeg raennaj, hong vah minzcuz gyalai diemjrongh moq.

《Denhdwngj Ngoenzneix》 bause bi 1999 gozging laebbanh, cujyau dwg senhconz gak hangh fuengcim cwngcwz dangj, fugsaeh daengx yienh song aen vwnzmingz hwnjguh. 《Denh- dwngj Ngoenzneix》 dwg bauqceij ganhvuz guenfueng Denhdwngj Yen, youz Denhdwngj Yenveij Senhconzbu bien okbanj, moix singhgiz it、haj okbanj.

Vih cungfaen fatok gij cozyung senhconz meizdij, bangrengz hong minzcuz, ginggvaq Denhdwngj Yenveij Senhconzbu caeuq Denhdwngj Minz- cunghgiz cungfaen siengjngeix caeuq gaenxmaenx caepcawq ca mbouj geijlai song ndwen, youq mboengqneix lienz- hab doiok cienbanj minzcuz saeh- moq. Youz yenveij senhconzbu fucwz soucomz saenqsik saehmoq、dajveh anbaiz banjmienh caeuq yaenq fat- hengz, Denhdwngj Minzcunghgiz fucwz hong fanhoiz Cuengh Gun song cungj saw. Ndwen 11 ngoenz 3, 《Denhdwngj Ngoenzneix》aen cienbanj minzcuz saehmoq cingqsik yaenqfat, yungh Cuengh Gun song cungj saw bauqlwnh gij saeh Denhdwngj Yen daegsaek canjnieb dajndaem、swnghcanj、cawxgai biek daengj, neix dwg aen yienh neix baez daih’it youq bauqceij ganhvuz guenfueng hailaeb cienbanj(Sawcuengh) minzcuz.

Hailaeb cienbanj minzcuz saeh- moq, caenh’itbouh fungfouq gij caidij doigvangq yungh Sawcuengh, gyoengq vunzlai ndaej rox saenqsik saehmoq doengzseiz, ndaej raen、hag caeuq roxyiuj Sawcuengh, doiq swnjcienz vwnzva conzdungj Bouxcuengh miz leih, ndaej vunz biengz haenhndei.

(Vangz Souciz/黄寿积)