●Ndwen 11 ngoenz 4, Yungzsuij Myauzcuz Swciyen capyouq Namzningz daibyauj haiguh aen hozdung gvansim Mbanjmyauz, bouxgagnyienh simndei youz dangjyenz “song moq” cujciz iuheuh haenx, bae ginglaujyen、segih、lajmbanj Yungzsuij、Yungjloz daengj 5 aen yanghcin, faenbied soengq denz、youzgwn、cienzcamnai bae hawj 40 boux bouxgeq gungzhoj bi’ndwen sang haenx mbouj aeu cienz, hawj gyoengqde gvaq mbat seiz- doeng raeujrub he.

(Lungz Linzci)

●“Cibsam haj” geiz- gan, Lozcwngz Mulaujcuz Swciyen dajveh senj dieg bangfuz senj ranz 13687 boux 3189 ranz, gungh bued cienz 12 ik maenz. Seizneix, gyoebsuenq guhsat bued cienz 8.74 ik maenz, guhsat 73% dajveh gungh bued cienz haenx, gaenq haigoeng hwnjguh ranzanyouq 3000 dauq, guh sat 2800 dauq, gaenq ciemdingh hezyi cek ranzgaeuq 2958 ranz 12641 boux; gaenq faen ranz 2213 ranz 9854 boux.

(Mungz Cwnghswh)

●Ndwen 11 ngoenz 3, Duh’anh Yauzcuz Swciyen banh “senhconz Cibgouj Daih henhoh bouxgeq” siuhfei gyauyuz haeuj nienz- laux dayoz hozdung. Daengx ciengz hozdung yungh gij hingzsik eu fwen、gangj gojgaeq daengj vunzlai haengj dingq gyaez yawj haenx, buqcek gij yienzaen cauxbaenz gyoengq boux- siuhfei geq ngaiz catsaij deng yaeuh haenx, daezsingj bouxsiuhfei geq liz gyae gij hongx siuhfei haih vunz.

(Cinz Cunghvaz)

●Ndwen 11 ngoenz 3, Sanhgyangh Dungcuz Sw- ciyen Liengzgouj Yangh Caidangz Cunh banh meh- mbwk bouxak mbaetsou makyouzcaz doxdax, 100 lai boux mehmbwk Mbanjdung youq ndaw ndoeng youzcaz faen cuj mbaetsou mak- youzcaz, langhbaij fungsou.

(Vuz Lenyinh)