Mboengqneix, aen hozdung den- yingj vah minzcuz roengz mbanj youz Baksaek Si Yougyangh Gih Minz- cunghgiz cujciz haenx daengz Lungz- gingj Gaihdauban Fanzbingz Cunh Mbanjnazluz banh, aen mbanj neix geij cib boux vunz yawjngonz le senhconz- ben 《Baksaek Gyaeu Lumj Man》、gohgyauben 《Gij Sienghaih Huqdoeg Caeuq Gaiqdoeg》 caeuq gij benqgoj- gaeq Vahcuengh 《Mbwnmomj Hengz- doengh》.

Yawjraen gij denyingj yungh vah minzcuz vunznoix boiqyaem, caemh- caiq lij dwg gij Vahcuengh bonjfaenh sugrox haenx boiqyaem, caezgya cungj roxnyinh mizyinx youh caenciet. Vanzmbanj Vangz Civeih angqyangz naeuz:“Denyingj gig ndei yawj, dwg Vahcuengh, caezgya cungj dingq rox, roxyiuj ndaej, cungj roxnyinh angq- yangz, muengh coglaeng ndaej aeu denyingj roengz mbanj aen hozdung neix laebdaeb haiguh.”

Ciuq cam rox, vih caenh’itbouh doidoengh Yougyangh Gih diegcomz- youq minzcuz vunznoix cingsaenz vwnzmingz hwnjguh, hawj gij cing- saenz vwnzva aeuyungh vunzlai minzcuz vunznoix ndaej habhoz, fung- fouq gij saedceij guh’angq vunzlai, Yougyangh Gih Minzcunghgiz daj bineix ndwen 8 hainduj cujciz haiguh aen hozdung denyingj vah minzcuz roengz mbanj, youq diegguenjleix gak yanghcin gai、mbanj segih cuengqingj denyingj Vahcuengh 50 ciengzbaez, seizneix gaenq cuengqingj 46 ciengz. Aen hozdung neix mboujdan dwg hangh hong vwnzva bangfuz he, lij dwg baujhoh vwnzva minzcuz, gij fuengsik caeuq roenloh mizyauq hwngfat minz- cuz gyauyuz haenx, yaek hawj hong vah minzcuz vunznoix gyalai rengz- hoengh moq.(Lingz Vaz)