Daezmoeg Miz song diuz dienhsienq A caeuq B, diuz A raez dwg diuz B 3 boix, dawz diuz A daet bae 80 lizmij, B daet bae 20 lizmij, song diuz dienhsienq lw roengzdaeuj haenx dwg ityiengh raez. Song diuz dienhsienq yienzlaiz gak raez geijlai lizmij?

Faensik caeuq gej Aenvih diuz A raez dwg diuz B 3 boix, dang B daet bae 20 lizmij, A daet bae 20×3=60 (lizmij) seiz, A lw roengz raez wngdang dwg B lw roengz haenx 3 boix.

Danhseih, dang A daet bae 80 lizmij seiz, song diuz dienhsienq lw roengz haenx dwg ityiengh raez. Neix gangjmingz 80-60=20 (lizmij) couh dwg A roxnaeuz B lw roengz haenx (3-1) boix. Ndigah A roxnaeuz B lw roengz haenx dwg 20÷(3-1)=10 (lizmij).

A yienzlaiz raez dwg 80+10=90 (lizmij), B yienzlaiz raez dwg 20+10=30 (lizmij).

(Liuz Genhvang)