●Ndwen 10 ngoenz 27, Luzcai Yen Bingzsanh Cin cujciz aendoih yienj vwnzyi cunzdauq senhconz gij cing- saenz Cibgouj Daih daengz Bingzsanh Segih yienjok, doenggvaq yienj、ciengq、gangj、son daengj hingzsik yiengq vunzlai senhconz gvancez gij cingsaenz Cibgouj Daih, hawj vunzlai lai roxyiuj Cibgouj Daih dangj.

(Lai Genveih)

●Ndwen 10 ngoenz 28, Denzyangz Denzcouh Guj- cwngz cingj “aendoih laux- hangz yawj bingh Suh canghyw” aen yienh neix, youq bakdou douhung gingj- gih haiguh “ciet gouj nyied gouj gingq bouxlaux·hauq youq ndaw bak” simndei yawj bingh hozdung mbouj aeu cienz, vih gyoengq bouxlaux gvaq roen daezhawj cangq- heiq camcaz caeuq dijgenj fuzvu mbouj aeu cienz, ndaej daengz vunzlai haenh.

(Vangz Gozsun)

●Ndwen 10 ngoenz 27 banhaemh, Namzningz ndwenndwen ciet lijyouz caeuq Liengzging Gih angqhoh Cibgouj Daih·ciet vwnzva lijyouz minzsuz bi 2017 Liengzging Gih youq Aen Cungsim Dijyuz Guengj- sae gvangjcangz baihbaek haimuq. Hozdung yienh- ciengz singfwen goksasa, beksingq Liengzging yungh gij fuengsik daegbied bonj- faenh, yiengq seiqgyaiq langhbaij le gij fungcingz byadah、gij yinxdaeuz yinz- vwnz、gij yienghmoq hwngfat, hawj gyoengqvunz lai roxyiuj Liengzging Gih.

(Dangz Ciuhyen)

●Ndwen 10 ngoenz 25, ciet gouj nyied gouj daengz gaxgonq, Cauhbingz Yen banh aen hozdung cunzsuen ciet gouj nyied gouj, hozdung miz cw da roq laz、bau aengengx、nyingz feihbyauh、baenq buenzcienq daengj doenghgij hanghmoeg guh- angq hab bouxlaux caemh- caiq miz yinx haenx, caenh- itbouh fungfouq gij ndwen- ngoenz vwnzva seizhoengq gyoengq bouxlaux.

(Liuz Feih Vangz Auvaz)