——Cungguek Minzcuz Yijvwnz Fanhyiz Giz Funghranz Sawcuengh

Vahcuengh Guhsat Hong Fanhoiz Gij Vwnzgen Cibgouj Daih

Ndwen 10 ngoenz 18 daengz 24, Aenhoih Cungguek Gungcanjdangj Baez Daihcibgouj Daengx Guek Dai- byauj youq Baekging hai, neix dwg baez hoih youqgaenj aendangj raeuz youq duenh ceiq youqgaenj dwkhingz cienzmienh guhbaenz siujgangh sevei caeuq sevei cujyi miz Cungguek daeg- saek haeuj seizdaih moq hai haenx. Vih hawj gij daibyauj minzcuz vunz- noix gibseiz cinjdeng roxyiuj gij cingsaenz vwnzgen aenhoih, Cungguek Minzcuz Yijvwnz Fanhyiz Giz Fungh- ranz Sawcuengh Vahcuengh caeuq roek aen funghranz saw wnq rapdawz gij hong yungh Sawcuengh daengj caet loh saw minzcuz vunznoix fanhoiz gij vwnzgen aenhoih caeuq youq Yinzminz Daveidangz yungh Vahcuengh daengj caet loh vah minzcuz vunznoix guh doengzsing cienzhoiz. Cujyau fanhoiz gij vwnzgen aenhoih gij cwngci baugau 《Dwkhingz Cienzmienh Guhbaenz Siujgangh Sevei Dued Ndaej Seizdaih Moq Sevei Cujyi Miz Cungguek Daeg- saek Ndaejhingz Hungmbwk》 Cungh- gung Cunghyangh cungjsuhgi Siz Ginbingz daibyauj Cibbet Gaiq Cunghyangh Veijyenzvei yiengq aenhoih guh haenx、《Cungguek Gung- canjdangj Canghcwngz (Siuhdingh- an)》 caeuq gij guhhong baugau Cibbet Gaiq Cunghyangh Gijliz Genjcaz Veijyenzvei yiengq aenhoih guh haenx daengj, gyoebsuenq 10.2 fanh cih Sawgun.

(Cungguek Minzcuz Yijvwnz Fanhyiz Giz Funghranz Sawcuengh Vahcuengh hawjgauj)