●Ndwen 10 ngoenz 18 banhaemh, Sihlinz Yen banh “cien duenz fanh ciengz” vunzlai vwnzyi comzyienj, vanjvei hozdung hingzsik lai yiengh, miz vaiqbanj、 siujbinj、langhbaij minzsuz minzcuz daengj lai loh yisuz ndawbiengz, gyoengq boux- yienj doenggvaq ciengqgo diuqfoux, yungh doenghgij fuengsik daegbied bonjfaenh neix gangjok gij cingz angqyangz gyoengq beksingq dieggyae diegbya angqhoh Cibgouj Daih dangj hai ndaej ndei.

(Vangz Yenginz)

●Bineix daeuj, Ningzmingz Yen Segohlenz、Gohgigiz、Gyauyuzgiz daengj bouhmonz gaenxmaenx cuj- ciz bouxguhhong gohbuj, yawjnaek haeuj ndaw gyoengq bouxcoz nyezrauh bae cienzdoh gohyoz cihsiz, sonyinx bouxcoz nyezrauh camgya gohgi saedguh, gujli bouxcoz nyezrauh gyaez gohyoz、hag gohyoz、yungh gohyoz, cienzboq gohyoz swhsiengj, fatyiengz gohyoz cingsaenz, cauh ok gij heiqfaenh cauhmoq, roengz- rengz gungganq gij vunzcaiz suciz sang habngamj yen- daiva hwnjguh.

(Couh Yizgangh Gungj Swhginh)

●Ndwen 10 ngoenz 18, Swcigih Gaugaep Yinzminz Fazyenz fuyencangj Linz Yidangz daengj bae Lozyez Yen haiguh aen hozdung ngoenzbanggungz bi 2017, giethab gij cingzgvang saedsaeh mbanjgungzhoj aen yen neix capyouq ndaw mbanj haenx, gien 104 fanh maenz hawj 5 aen cunh Dungzloz Cin.

(Banh Houzyin)

●Geij bi neix daeuj, Yungzsuij Myauzcuz Sw- ciyen doenggvaq gij vunqsik “gunghswh+gihdi+hozcozse+ranzgungzhoj” sonyinx ranz- gungzhoj youq ndoeng faexcuk roxnaeuz nazfwz ndaem raetrablaz 1000 lai moux, bi gai ndaej daengz 1200 lai fanh maenz, bang doi ranzgungzhoj laisou baenz miz.(Lungz Linzci)