●Ndwen 10 ngoenz 8, aen vujdonz bingraemx Yungzanh Yen haiguh aen cawjdaez dwg “daengx beksingq lienhndang fouxdoengh Yungzanh angqcoux Cibgouj Daih dangj” hozdung, ca mbouj geijlai 200 boux bouxgyaez diuqfoux ndang daenj buhvaq bing daenj mauhbeileiz, yungh gij hingzsik lieddoih gapbaenz cihsaw “angqcoux Cibgouj Daih” hung, yungh neix angqcoux Cibgouj Daih dangj hai ndaej ndei.

(Danz Gaijhingh)

●Ndwen 10 ngoenz 7, Yungzsuij Myauzcuz Swciyen Ganjdung Yangh Mbanjvahmah Mbanjmyauz banh “lwgmanh Vahmah doxdax”, 40 lai boux mehmbwk Myauzcuz daiq lwg- manh gag ndaem haenx, camgya lwgmanh senj gyaeu doxdax caeuq roix lwgmanh doxdax. Lwgmanh Vahmah dwg gij dwzcanj conzdungj Mbanjvahmah Mbanjmyauz ndaem okdaeuj, aenvih noh na rangdiemz、manh habngamj, ndigah ndaw yienh rog yienh mizmingz.

(Lungz Dauh)

●Ndwen 10 ngoenz 9, Gungcinghdonz Vanzgyangh Mauznanzcuz Swciyen Veijyenz- vei youq Vanzgyangh Gauhcungh haiguh ciengz hozdung “seizcoz yaprongh·faplwd henhoh” mbouj doengz gaiq wnq he, doenggvaq cungj hingzsik bouxcoz nyezrauh haengj dingq gyaez yawj neix, demgiengz gij faplwd yisiz hagseng, hawj bouxcoz nyezrauh “hag fap、rox fap、souj fap”, yinx ndaej haujlai hagseng aen hagdangz neix daengx din yawj- ngonz.

（Veiz Yui）

●Geij bi neix daeuj, Lungzlinz Gak Cuz Swciyen souj ndei swnghdai caeuq hwngfat “song diuz daejsienq”, damqra ok “swnghdai laeb yienh, saekloeg hwnghwnj” cinjcing bangfuz lohnaemj, sonyinx vunzlai giethab dangdieg swnghdai vanzging, haenqrengz dajndaem makdauz- mizhouz. Dangdieg yungh gij hingzsik “gunghswh+hozcozse+ranzgungzhoj”, dawz cwngfuj bangcoengh、bouhmonz sonyinx caeuq hawciengz dox giethab, haenqrengz bangcoengh vunzlai gungzhoj laisou baenz miz.

(Vangz Yungzdanh Siz Meizlanz)