Vehbangxdat Byaraiz Cungzcoj bauq yizcanj seiqgyaiq ndaej baenz le, hawj gizdieg ginghci ndaej bienq hoenghvuengh. Cungzcoj Si Lijyouz Fazcanj Veijyenzvei mboengqneix gaisau, dangdieg yaek aeu vehbangxdat Byaraiz Dahcojgyangh guh haedsim, cauxguh “dieg lijyouz vwnzva lizsij vehbangxdat seiqgyaiq”.

Vehbangxdat Byaraiz Dahcoj- gyangh, dwg gunghyenz gonq 5 sigij daengz gunghyenz 2 sigij 700 bi ndawde, cojcoeng Bouxcuengh seng- sanj youq ranghdieg Dahcojgyangh—Gij vehbangxdat veh youq diegsang bangxdat henz Dahcojgyangh vunz Loegvet senj haenx, gij vwnzva gingj- gvanh saenzgeiz vehbangxdat saek henjnding hungloet caeuq bangxdat、dah caeuq diegdaiz doengzcaez gapbaenz haenx.

Bi 2016 ndwen 7 ngoenz 15, vwnzva gingjgvanh vehbangxdat Byaraiz Dahcojgyangh Cungzcoj Si ndaej liedhaeuj 《Seiqgyaiq Yizcanj Mingzloeg》, baenz Cungguek dieg daih 49 seiqgyaiq yizcanj, dienzbouj gij hoengq Cungguek loih vehbangxdat seiqgyaiq vwnzva yizcanj.

Ciuq Cungzcoj Si Lijyouz Fazcanj Veijyenzvei gaisau, dangdieg gaenq mingzdingh ranghdieg Dahcojgyangh yaek cauhlaeb aen dijhi dinghvih “diegswngdi ndeu、lajroq ndeu、song yienghbanj、haj gihdi”, cauxguh dieg- swngdi lijyouz gozci、diuz lajroq youq- gaenj lijyouz gozci diegswmou Cung- guek—Dunghmungz、lijyouz dah caeuq yienghbanj doxgap lijyouz hamj guek denjfan, cauxguh dieg lijyouz vwnzva lizsij vehbangxdat seiq- gyaiq.

Seizneix, Cungzcoj Si lienzhab aen donzdui Meiz Saiyenz boux- cauxnduj Cungguek byadah saedgingj yienjok cauxguh banhaemh youzcet yawjngonz vehbangxdat Byaraiz Dah- cojgyangh caeuq daihhingz saedgingj yienjok hanghmoeg, gaenxmaenx doi- caenh aen bozvuzgvanj vehbangxdat Byaraiz、aen cungsim yenjyi Byaraiz、hwnjguh aenmbanj gaeuq Byaraiz caeuq aeu gingjgih lijyouz 5A gaep guekgya cauxlaeb vwnzva gingjgvanh vehbangxdat Byaraiz Dahcojgyangh.

Cungzcoj Si daezok, daengz bi 2020, cauxguh dieg ragoek vwnzva Cungguek Yeznanz, hwnjguh guekgya 5A gaep lijyouz gingjgih; daengz bi 2025, cauxguh dieg lijyouz yizcanj vehbangxdat gozci、dieg gvaq ngoenz- gyaj lijyouz guekgya gaep.

(Vangz Yenmeiz)