●Ndwen 9 ngoenz 14, Yungzsuij Myauzcuz Swciyen Hungzsuij Yangh Fulenz lienzhaeh daengz bouxsimndei Aen Gunghswh Mouyi Gozci (Sanghaij) Sanhliouh bae daengz Hungzsuij Yangh Liengzsangh Cunh Siujyoz soengq raeuj, gyoengq boux- simndei soengq boibaujraeuj、mauh、daehsaw daengj doxgaiq dij 10 fanh lai maenz hawj gyoengq lwgnyez Myauzcuz, hawj gyoengq lwgnyez Myauz- cuz gig angqyangz.

(Liu Swjyenh Gyaj Siuginz)

●Ndwen 9 ngoenz 12, Ginhsiu Yauzcuz Swciyen banh aen ban son’gyauq daezswng naengzlig lauxsae heiq haeuj hagdangz vunzcaiz vwnzva “sam gih”, aen ban son’gyauq neix gungh hailaeb miz son’gyauq yienj heiq caeuq son’gyauq ingjsiengq song loh, ciusou bouxhag 90 lai boux, iucingj ndaej canghheiq biujyienj guekgya it gaep、ngeih gaep、swcigih gaep caijdiu bouxswnjcienz Yangz Gveigingj daeuj hwnjdangz.

(Bangz Yaujvaz Lanz Cunh)

●Mboengqneix, “baij cingzgoj cauxsij yinhyoz ‘haeujlaeg ndwenngoenz cap- rag beksingq’ daengx gih bi 2017” youz Swcigih Vwnz- vadingh、Aen Cizdonz Yenjyi Guengjsae ciepbanh haenx youq Namzningz banh, 《Fwengingqcaz Cejsam》《Fwen Cejsam Fanh Vunz Eu》 song hot fwen Hozciz Si Yizcouh Gih Vwnzva Gvangj- den Sinhvwnz Cuzbanj Dij- yuzgiz senjsoengq haenx ndaej senjhaeuj cingzgoj baijyienj.

(Bwz Lu Couh Linzcing)

●Mboengqneix, vih daezsang bouxndaemmak goh- yoz dajndaem suijbingz, coi- caenh demcanj laisou, Laiz- binh Si Hinghbinh Gih Bingz- yangz Cin banh aen hozdung son’gyauq gohgi “vwnzva leih beksingq”, iucingj nungz- yiswh lauxhangz Baekging daengz dieg son’gyauq 60 lai boux bouxndaemmak, soengq donq haeuxngaiz gohbuj lai yiengh he daeuj hawj gyoengq bouxndaemmak.

(Liuz Yungjdwngh)