Geij bi neix daeuj, Cingsih Si gaemdawz seizgei cauxlaeb “aen yienh okmingz lijyouz daegsaek Guengjsae”, youq gwnz giekdaej gyamaenh “swnghdai byaraemx、fungcingz henz- guek、vwnzva minzsuz、gvaq ngoenz- gyaj ciengxndang、hawsingz youq- ndwi” haj aen binjbaiz hung, haenq- rengz dajcauh daegsaek lijyouz binj- baiz.

Aen si neix baengh gijndei lijyouz swhyenz, giengzvaq hwnjguh gingjgih gingjdiemj, cugyamq dawz lijyouzyez hwngfat baenz gij canjnieb youqgaenj cienjhingz swnggaep, ceng- aeu daengx bi dakdaih bouxhek daengz 580 fanh vunzbaez, gyalai 15% doxhwnj, lijyouz cungjsiuhfei daengz 59 ik maenz, gyalai 17% doxhwnj.

Gaenxmaenx hwngfat gizdieg lij- youz, gaem ndei hong cauxlaeb dieg- guhyiengh gizdieg lijyouz guekgya, gyavaiq hwnjguh ranghdieg lijyouz fungcingz henzguek Cungguek Yez- nanz、diegsawqniemh lijyouz henz- guek、diegdoxgap lijyouz hamj gyaiq, coicaenh lijyouzyez daengx gizdieg、daengx canjnieblienh hwngfat. Hai- goeng hwnjguh buek singgaep lijyouz bouqlaeuj he, guhsat buek swnj guh lijyouz hanghmoeg he, hwnjguh buek guekgya A gaep gingjgih moq he. Caenh’itbouh cauxmoq gij lohnaemj “lijyouzyez+”, coicaenh lijyouz caeuq vwnzva、dijyuz、sanghmou、nungzyez daengj yungzhab hwngfat, haenqrengz gungganq cangqheiq ciengxndang、youqndwi gvaq ngoenzgyaj daengj lijyouz yezdai moq.

Doicaenh lijyouz gihci cauxmoq. Gohyoz faen dieggoengnaengz lijyouz, hwnjguh laebcaez aen gihci gyonj- gyoeb guenjleix dieggoengnaengz lijyouz, leixswnh nangqdaengz lijyouz guenjleix bouhmonz、gingjgih guenj- leix danhvei ciznwngz cizcwz, gyaak doiq dieggoengnaengz lijyouz swngh- dai vanzging、canjnieb、hwnjguh daengj gizdieg haiguh cingqciengz lijyouz hengzfap cunzcaz. Laebndei aen gihci lijyouz douzcienz yungz- cienz, baengh aen cizdonz hwngfat moq dap aen bingzdaiz lijyouz douz- cienz yungzcienz, coicaenh lai cungj fuengsik yungzcienz couzcienz.

Gya’gvangq lijyouz bouxhek goekgaen hawciengz. Cauxmoq haw- ciengzvaq、vangjlozva ginghyingz siu- gai vunqsik, daezswng ginghyingz siugai cingzcik; doicaenh aenhoih gaepbied sang lijyouz daengx gizdieg cingqciengz banh, saeqsim couzbanh haw gai yw ndwenngux co’ngux daengj angqhoh ngoenzciet hozdung, gaenxmaenx ciepbanh buek hozdung daengx gih daengx si youqgaenj he, daezswng gij rengzyingjyangj lijyouz aen si neix.(Hoz Yungz)