Bineix daeuj, Duh’anh Yauzcuz Swciyen comz goengrengz, dawz gaijndei vanzging vunzyouq laj- mbanj、gungganq vwnzmingz fung- heiq moq、doidoengh hwnjguh lajmbanj gyaeundei dangguh gij banhfap mizyauq doidoengh vut gungz gunggeng, roengzrengz dajcauh lajmbanj moq vuenyungz habyouq.

Aenmbanj vunzyouq bienq seuq. Haiguh ceihleix saedceij vanzging naj ranz laeng ranz ndaw ranz, sonyinx nungzhoh dinghdiemj doicuengq、gohyoz cawqleix nyapnyaj, sonyinx nungzhoh baetsauq naj ranz laeng ranz, hawj vanzging bienq seuq; cug ranz gveihfan haeuxgwn、hongdawz、fwnz daengj baijcuengq doxgaiq youq ndaw ranz rog ranz; gyalai gaj “seiq haih” fuengzceih banhfap, bauj- maenh ndaw ranz rog ranz seuqsag. Saedyienh roenloh bienq seuq, dungjcouz gij ngaenzcienz bangfuz, dajndongj roen doeng cunh、doeng mbanj、haeuj ranz. Guhndei ranz vunzyouq goengnaengz, cienzmienh doihengz gaij ranzdajcawj、 gaij diengzhaex、gaij dienh daengj, saed- yienh ranz vunzyouq gezgou ancienz、goengnaengz caezcienz、 anbaiz hableix、 yienghsiengq gyaeundei.

Gungganq fungheiq moq bienq cingqciengz. Doenggvaq fatok cunh ganbu、dangjyenz guhyiengh daiq- daeuz cozyung, sonyinx vunzlai saeh gezvwnh aeu yungh fap moq banh, begsaeh genjdanh banh, gagrox daeqceih funghgen maezsaenq hoz- dung, hawj vwnzmingz fungheiq moq yungzhaeuj lajmbanj guh hong saedceij gak aen fuengmienh, doi- doengh cauxbaenz ndawbiengz ndei funghsang moq; haenqrengz fatyiengz hauq bouxgeq gyaez caengaenh conzdungj vwnzva, cingqciengz haiguh bingzsenj “lwgbawx ndei”“ranznden ndei”“gyahdingz ndei” daengj, cauxbaenz gij funghsang ndei aeu gyahdingz huzndei coicaenh hwnjguh aenmbanj huzndei haenx; okhingz sonyinx, dajcauh “diuz gai vunzndei Duh’anh”, daj Duh’anh geij bi neix daeuj okyienh saeh daudwz okhingz youqgaenj ndawde, genjleh mbangj saehsaed daudwz mozfan yienhda、miz daibyaujsing、yingjyangjliz hung haenx, dawz siengq vunz caeuq genjyau saehsaed guhbaenz mbawvehnem senhconz gyoebcomz langhbaij, doidoengh cingqciengz gungganq fungheiq moq.

(Veiz Gwngh)