Geij bi neix, Yungzsuij Myauzcuz Swciyen laebdaeb gyalai ligdoh bued ngaenz hawj donq haeuxyingzyangj mbouj aeu ngaenz, bued ngaenz hwnjguh ranzgwnhaeux, hengzguh gijgwn boiqsoengq biucinj doengjit、sizbuj biucinj doengjit, hawj lwghag gwn imq gwn ndei. Ciuq gyoepsuenq, dan bineix, aen yienh neix daengx yienh couh miz 235 aen hagdangz 5.65 fanh boux hagseng ndaej gwn donq haeuxyingzyangj mbouj aeu ngaenz, ndawde yiengjsouh gij ngaenz cunghyangh bued hawj miz 247 aen hagdangz 4 fanh lai boux hagseng, yiengjsouh gij ngaenz ndaw yienh bued hawj miz 6 aen hagdangz, 1.5 fanh boux hagseng. Ndaw doz dwg hagseng Myauzcuz cingq gwn donq haeuxyingzyangj mbouj aeu ngaenz.(Liu Swjyenh/廖子渊)