Ndaejgeiq gwn laeuj mbouj haici,

Itdingh aeu hai mbouj gwn laeuj.

Bouxvunz okrog bae gwn caeuz,

Seizseiz aeu geiq youq ndawsim.

Dauqngeix ngoenzlwenz raeuz doengzcaez,

Gangjriu gangjangq gangj ngoenzlaeng.

Ngoenzneix miz vunz youq lajyaem,

Gwn laeuj le haici cauhbaenz.

Bouxlwg heuh boh fouzfap han,

Mehyah yuz gvan mbouj caiq haemq.

Daxmeh cam mwngz youq gizlawz,

Gyangngoenz okbae lij caengz dauq.

Laepda hai da gvaq ngoenz ndeu,

Laepda mbouj hai ciuhvunz sai.

Bouxvunz ngamq miz diuz mingh ndeu,

Gaej aeu diuzmingh daeuj guhcaemz.

Ndaw ranz mehyah bouxlwg deq,

Lij miz bohmeh caeuq beixnuengx.

Gyoengqde youq ranz caj mwngz dauq,

Gwn laeuj hai ci goj oksaeh.

Caezgya gwn laeuj mbouj haici,

Danghnaeuz cauh hux mbouj dij mingh.

Ci vaih vunz sieng gim mbouj dingj,

Bingzan cij dwg saeh ceiq naek.