8 nyied 22 hauh, Lungzswng Gak Cuz Swciyen ciuhai bi 2017 gauhgauj youhsiu hagseng biujcieng daihhoih, Yenveij、Yencwngfuj dawz ok 75 fanh maenz doiq gyoengq hagseng gauhgauj ndei haenx guh biujcieng ciengjli.

Gaenh geij bi neix daeuj, aen yienh neix gyahung doiq gyauyuz cuengqhaeuj caeuq haeujcoengh, gyauyuz fazcanj suij- bingz bingzonj daezsang, gaujsi cingzcik it bi it mbaek lae, mbouj duenh ndaej mauhgvaq, yinzminz doiq gyauzyuz muenxeiq mboujduenh demgiengz. Bi 2017, aen yienh neix gauhgauj hwnj itbwnj sienq dabdaengz 77 vunz, ngeihbwnj sienq 448 vunz, dwg lizsij ceiq ndei, ndawde miz boux ndeu ndaej gauj hwnj Bwzgingh Dayoz, 8 boux ndaej gauhyau mizmingz sienq daezdangj Gvangjsih vwnz lijgoh cib mingz aeu gonq haenx.

(Vuz Swnghbinh Lungz Cuhginh/吴生斌 龙初金)