8 nyied 29 hauh daengz 9 nyied 1 hauh, Lozcwngz Mulaujcuz Swciyen lajmbanj vwnzyi guzgan (fouxgvangjcangz) banbeizyin youq Lozcwngz Vwnzva’gvanj gawjhengz, 50 lai boux vwnzyi guzgan doihvwnzyi yezyiz daj gak aen yanghcin daeuj haenx camgya mbat beizyin mbouj aeu cienz neix.

Ciuq cam rox, mbat banbeizyin neix dwg youz Lozcwngz Vwnzgvangjsinhdijgiz cawjbanh、Lozcwngz Vwnzva’gvanj ciepbanh, banbeizyin youz vwnzva’gvanj caeuq yisuzdonz conhyez heiqfoux lauxsae daeuj son, sawjyungh“sam mbouj aeu hingzsik” yivu bujgiz sonhag mbouj aeu cienz、soengq sawson mbouj aeu cienz、beizyin mbouj aeu cienz.

Beizyin sat le, gyoengq vwnzyi guzgan neix yaek dawz doengh bouh fouxmoq caeuq gij neiyungz moq haenx daiq ma daengz lajmbanj gak yanghcin, cujciz daiqlingx gihminz haiguh cangqheiq mizik、gaenxmaenx doxhwnj vwnzdij hozdung.

(Moz Vwnzswh Loz Gyahgenh/莫文师 罗佳娟)