●Ndwen 9 ngoenz 1, Mungz- sanh Yen Cugen、Gunghsangh、Cwngzgvanj Dadui daengj bouhmonz gapbaenz lienzhab hengzfap dadui, guh aen hozdung daezswng gyonj- comz cingjceih yienghsiengq haw- singz. Ciuq cam rox, baez hozdung neix seizgan lienzdaemh daengz bi 2018 ndwen 2, coicaenh gak diuz loh、duenh loh doengrat miz bouhloh, vanzging caezcingj seuq- sak, mizyauq dawz gij yienghsiengq ndei hawsingz baij okdaeuj, daez- swng gij cingzdoh vwnzmingz siminz.

(Gvanh Sinh Moz Hingh- vang)

●Ndwen 8 ngoenz 29 banhaet, Nazboh Yen haiguh yivu gyauyuz bingzyaenx hwngfat giekdaej sezsih hwnjguh caeuq aen gunghcwngz ceihleix mieng Dahbwzduhhoz Bwz- swngj Yangh、Bwznanz Yangh song aen hanghmoeg hung neix, bued cienz daengz 5274.11 fanh maenz. Ciuq cam rox, bi 2017 aen yienh neix yivu gyauyuz hwngfat giekdaej sezsih hwnjguh hanghmoeg nangq- daengz 11 aen hagdangz 14 aen gunghcwngz, hwnjguh mienhcik gungh 14870 bingzfanghmij bae- dauq, bued cienz 2678 fanh maenz baedauq.

(Luz Ciyungz Liengz Sicanj )

●Geij bi neix daeuj, Lozcwngz Mulaujcuz Swciyen aen gihgou son lwgnyez iq cawz guh son vwnzva gocwngz le, lij gvangqlangh yungz- hab ndawbiengz gak loh swhyenz son’gyauq ndei dem, banh aenban mizyinx son raiz mauzbit、vehveh、ciengqgo、diuqfoux daengj, caenh- itbouh hawj lwgnyez ndangcangq caeuq daezsang gij gvanhnen saemjgyaeu lwgnyez, hawj lwgnyez Mulaujcuz daj iq hainduj hag gak loh dinfwngz.

(Se Sunhwngz)

●Geij bi neix daeuj, Denz- yangz Yen Bwzyuz Cin cungfaen fatok gijndei diegndoeng swhyenz lai, gaenxmaenx dazyinx vunzlai leihyungh diegndoeng swhyenz haenqrengz guh youq ndaw ndoeng ciengx gaeq, doenggvaq bangfuz ranz ciengx doihduz lai、daiqdoengh vunzlai seiqhenz、laebbaenz aen hozcozse ciennieb daengj fuengsik, guh hung guh ak canjnieb youq ndaw ndoeng dajciengx, ndaej hawj gaeq dot gwn gorum、duznon duzmoed daengj, youh ndaej hawj vunzlai baengh dajciengx laisou baenz miz.

(Ganh Yez Loz Hungzgenh)