Ranz gou ciengx bang gaeq he, ndawde miz duz gaeqseng he, lumj duzhanq yienghneix hung. Bwn de ndingrongh, vifung dangqmaz, song gaiq nyauj de youh co youh hung, caiq gyahwnj bak de soemset, gij gaeq wnq raen de cungj ndoj deuz. Duzgaeq lawz gamj caeuq de ciengj gwn, haengjdingh deng de dot yaek dai bae. Couh lienz duzma ranznden hix mbouj gamj gvaq ranz gou daeuj, vunz ranz gou heuh de guh “gaeqcing”

“Gaeqcing” lij rox caeg gyaeq gwn. Gaeqmeh ok gyaeq le, duz gaeqseng doeng yawjyawj sae yawjyawj, raen mbouj miz vunz, couh ndonj haeuj ndaw rongzgaeq bae. De sien yungh nyauj de saiq aen’gyaeq okdaeuj, yienzhaeuh aenbak doiq cinj byakgyaeq dot roengzbae, dawz aenbak iet haeuj ndaw bae, itmienh ndoet itmienh hemq, couh lumj lwg- nyez baez daih’it ndaej gwn dangz nei angqvauvau. Gwn sat le, nyauj de couh dik byakgyaeq haeuj ndaw gungx bae, enjaek ngaungau byaij bae lo. Yahdaiq moix baez cungj ndaq duz- nouguk caeg gyaeq gwn, cig- daengz gou fatyienh aen mimiz neix.

Dangyienz, “gaeqcing” hix miz giz ndei de. Geij ngoenz gonq, gaeqmeh ranz gou youh faeg ndaej rouh gaeqlwg he. Duz nou hung he ndonj haeuj ndaw hongh daeuj, roemxhaeuj ndaw gaeqlwg bae couh haeb, gaeq- meh swenjgoekgoek mbouj rox baenzlawz guh cij ndei. Mwh- haenx, “gaeqcing” song gaiq fwed baez bek, coemj coh duznou, youh dot youh nyauj youh hemq. Sing doxhoenx gingdoengh vunz ranznden, mwh daihgya buet daeuj yawj, duznou gaenq deng “gaeqcing” dot dai lo.

Daj mwhde hwnj, gou yawjraen duz gaeqseng neix engq vifung lo.

(haj nienzgaep Houz Ganghyiz)