●Ndwen 8 ngoenz 21 banhaemh, Lungzlinz Gak Cuz Swciyen “cingcinj banggungz、muengh gvaq siujgangh” bi 2017 vut gungz gunggeng vwnzyi cunzyienj roengz mbanj youq Aen Cungsim Vwnzva Hozdung Mbanjbenjyaz Bingzbanh Cin hainduj. Gyoengq bouxyienj doxlwnz hwnj daiz yienj diuq- foux、siujbinj、vaiqbanj、fwen daengj cezmuz ndeiyawj, yungh gij hingzsik vunzlai maij dingq haengj yawj, senhconz vut gungz cwngcwz, yienjok ndaej gyoengq bouxyawj dopfwngz haenhndei.

(Vangz Lungzvaz)

●Bineix ndwen 8 ndawcib, Nazboh Yen cingqsik hainduj mbanj cizdij ginghci gvanghfuz fat dienh banggungz canjnieb hanghmoeg, gveihva gungh douzhaeuj 2950 fanh maenz, haenqrengz ceng’aeu doenggvaq guh aen hanghmoeg neix, dem- gya gij cizdij ginghci souhaeuj 59 aen mbanjgungzhoj. Guj- suenq moix aen mbanjgungzhoj douzhaeuj gvanghfuz canjnieb hanghmoeg 50 fanh maenz, yungh 3 bi seizgan saedyienh aen muzbyauh daengx yienh cienzbouh hingzcwngcunh (segih) cizdij ginghci bi sou- haeuj 5 fanh maenz doxhwnj.

(Liengz Yenjvaz)

●Geij bi neix daeuj, Ginhsiu Yauzcuz Swciyen souj ndei song diuz sienq hwngfat caeuq swnghdai, ciuq dieg bae hwngfat lijyouz、 cangqheiq daengj canjnieb hwngmoq, haenqrengz dajcauh binjbaiz daegsaek Ywyauz comz yw、 hoizfuk ndangcangq、ciengx- ndang guh itheij, canjnieb yw minzcuz Ywyauz guh daiqbiuj haenx hwngfat vaiq、giyez majhung haemq ndei.

(Dauz Ginhhoz)

●Geij bi neix daeuj, Mungzsanh Yen Mungzsanh Cin yungh gij vunqsik “aen giyez lingxdaeuz+gihdi+ranz- gungzhoj”, yungh gij hingzsik ngaenzcienz haeujguj dakciengx baujdaej faenhoengz, bang- coengh 133 ranz ranzgungzhoj laeb dangjan laeb gaj haenx dakciengx moudojndaem, moix ranz cigsoh laisou 4860 maenz, rengzrwd hawj ranzgungzhoj vut gungz.

(Gvanh Sinh)