Dwzgoz Bailozyihdwz seizgan dangdieg ndwen 8 ngoenz 21(seizgan Baekging ndwen 8 ngoenz 22), Aen Duenzyisuz Bouxcoz Vwnzva Vanz- gyangh, youq gwnz aen Ciet Yisuz Bouxcoz Gozci Gaiq Daih 67 Dwzgoz Bailozyihdwz banh 《Yaem’wenq Mauznanz》 cienciengz yienjok, yienj ciengz ngaizhoengh yisuz yaem’wenq vwnzva baihdoeng ndeiyawj he hawj gyoengq bouxyawj guekrog yawj, dawz vwnzva Mauznanz saenzgeiz yungz- haeuj aen daizheiq ciet yisuz bouxcoz gozci Dwzgoz Bailozyihdwz bae, hix dwg faenh laex soengq hawj Cung- guek Dwzgoz doxgyau 45 hopbi he. Ciuq cam rox, gyoengq bouxyawj guekrog gig haenhndei ciengz cien- ciengz yienjok neix, ndaej daengz gij moegdik gyalai doxgyau yisuz vwnzva, fatyiengz vwnzva minzcuz Cunghvaz.

《Yaem’wenq Mauznanz》 aen cezmuz neix cujyau dwg yungh fwen yienghnduj caeuq diuqfoux yiengh- nduj minzcuz vunznoix Cungguek Mauznanzcuz、Bouxcuengh、Yauzcuz caeuq Myauzcuz daengj guhcawj, lumjbaenz《Gyaepfaexcuk》《Gyaep- faexcuk Vuenyungz》《Fouxcincim》 daengj 13 aen cezmuz, langhbaij fungcingz minzcuz caeuq vwnzva daegbied gagmiz gizdieg minzcuz vunznoix baihnamz Cungguek, cung- faen yienh’ok gij cingsaenz yiengh- siengq gyoengq beksingq gizdieg minzcuz vunznoix gaenx guh miz dungxcaiz、 yiedcingz gyaez hek、 insik huzndei caeuq muengh gvaq ndwenngoenz vuenyungz gyaeundei, cezmuz gig ndeiyawj.

Ciuq cam rox, aen duenzyisuz 31 boux vunz youq ndwen 8 ngoenz 15 bae Dwzgoz caeuqfaenh Ciet Yisuz Bouxcoz Gozci Gaiq Daih 67 Bailoz- yihdwz, dwg aen duenzyisuz Cung- guek dandog ndaej iucingj he.

(Mungz Siyiz/蒙是宜)