Liujcwngz Yen haiguh “canjnieb hawj beksingq baenz miz、fugsaeh hawj beksingq ndaej ndei、 giekdaej hawj beksingq fuengbienh” cienhangh hozdung, hawj lajmbanj engq hab- youq, mbanjranz engq gyaeundei, beksingq engq vuenyungz.

Giekdaej hawj beksingq fueng- bienh. “Gaij ranzdajcawj gaij diengz- haex le, mbanj dou ndaej lied haeuj aen cunh guhyiengh gaij ranzdajcawj gaij diengzhaex yienh gaep.” Yez Gozfu vunzmbanj Sahbuj Cin Daanh Cunh Mbanjyezgyah naeuz. Seizneix, aen yienh neix guhliux gaij ranzdaj- cawj 1735 ranz、 gaij diengzhaex 1662 ranz, 6 aen yanghcin nyapnyaj cawqleix sezsih caeuq 8 aen cunh gaep baenz benq cawqleix cungsim hwnjguh cawjdaej, goengloh lajmbanj cingjceih 14.2 goengleix, 23 aen cunh gungzhoj hwnjguh roen doeng mbanj 40 goengleix.

Canjnieb hawj beksingq baenz miz. Aen yienh neix mboujduenh doicaenh aen gihdi ndaem oij “song sang”, mousei、 nouhaet daegsaek dajciengx, makyungz、raet daegsaek dajndaem daengj hanghmoeg. Maj- sanh Yangh Bwzhau Cunh gujli ranz dajciengx lai hwnjguh aen hozcozse dajciengx nouhaet, daengz seizneix, miz 81 ranz ranzgungzhoj gungh ciengx lwg nouhaet 2092 doiq, gujsuenq ranzgungzhoj binaengz souhaeuj ca mbouj geijlai fanh maenz. Byongh bi gonq, aen yienh neix guhliux gungganq sinhhingz nungzyez ginghyingz cawjdaej 87 aen, hwngfat 57 aen cunh gaep cizdij ginghci hanghmoeg, cauxlaeb aen gihdi guh- yiengh yendaiva nungzyez swnghcanj 63 aen, hwnjguh le 120 aen diemj- fugsaeh denswj sanghvu lajmbanj.

Fugsaeh hawj beksingq ndaej ndei. Aen yienh neix gungh cauxlaeb gyaranz lwgnyez 60 aen, 121 aen hingzcwngcunh cungj doeksaed le veiswnghsiz hanghmoeg, guhbaenz 74 aen cunh gaep veiswnghsiz, miz 80 aen hingzcwngcunh (segih) cingj faplwd guvwn, 36 aen cunh gaep cunghab fugsaeh cungsim cugyamq guhndei, vunzmbanj mbouj yungh ok mbanj couh ndaej riengjvaiq banhleix gak hangh hongsaeh.

(Banz Len)