●Bineix doxdaeuj, Fuconh Yauzcuz Swciyen gyalai ligdoh hwnjguh aenmbanj vunz senj- diegyouq gugih, bued roengz goengrengz、doxgaiq、ngaenz- cienz, ndawde ngaenzcienz hawj Mbanjhujdouz aen mbanj vunz senjdieg gugih, youq aen mbanj neix dajndongj roenloh、naj ranz laeng ranz hwnj saek caeuq henz mbanj ndaem faex ndaem va ndaem nywj daengj, gaenxmaenx haiguh hwnjguh hawj lajmbanj gyaeundei bienq loeg.

(Cinz Yangiz)

●Gaenh bi neix daeuj, Yungzsuij Myauzcuz Swciyen Hungzsuij Yangh Cinminz Cunh yungh gij vunqsik “boux- daiqdaeuz baenz miz+ranz- gungzhoj+hozcozse”, gveihmoz hwngfat ndaem caz, coicaenh bouxguhnaz laisou. Ciuq cam rox, seizneix daengx cunh 600 lai hoh gungh ndaem caz 1500 moux.

(Liu Swjyenh)

●Vanzgyangh Mauznanz- cuz Swciyen gaemdawz seizheiq bineix gyaqcienz reh hwnjsang, sonyinx bouxguhnaz laebbaenz aen hozcozse ciennieb ciengx nonsei, guhndei hwnjguh ranz ciengx nonsei daengj giekdaej sezsih, daengx yienh canjnieb ciengx nonsei yauqik daezsang yienhda. Ciuq gyoepsuenq, aen yienh neix ndaem gonengz- nuengx mienhcik gaenq daengz 19 fanh moux, miz 5.8 fanh ranz ciengx nonsei; byongh bi gonq, daengx yienh ndaej reh 34.95 fanh rap, boux ciengx nonsei souhaeuj daengz 8.1 ik maenz.

(Loz Sieng)

●Geij bi neix daeuj, Yinhcwngz Yen haenqrengz doigvangq dinfwngz ndaem gonengznuengx ciengx nonsei, dajveh doenggvaq gaijndei gonengznuengx、raengcawz gonengznuengx gaeuqgeq、miz bingh, hawj daengx yienh gonengznuengx mienhcik onj- dingh youq 25.52 fanh moux, binjcungj gonengznuengx gaij- ndei haenx cwgoemq 51 aen mbanjgungzhoj 12 aen yanghcin daengx yienh, hawj ranz ciengx nonsei ndaej laisou, gyavaiq yamqdin vut gungz.

(Lanz Cunghcwngz)