Geij bi neix daeuj, Hocouh Si yawjnaek caeuq haeujsim hong saw vah minzcuz, gaenxmaenx dapguh aen bingzdaiz yingjsi、aen bingzdaiz senhconz song vah saw、aen bingzdaiz ciennieb caeuq aen bingzdaiz swnj- cienz lingzvued, gyalai ligdoh senhconz doigvangq saw vah minzcuz, vih hong swnjcienz baujhoh saw vah minzcuz guenqhaeuj rengz- hoengh moq.

It dwg dapguh aen bingzdaiz senhconz song vah saw. Aen si neix leihyungh hozdung angqhoh ngoenz- ciet minzcuz, doigvangq senhconz Cuengh、Gun song vah saw, cauxguh gij heiqfaenh senhconz minzcuz doxgiet. Cungfaen yungh densidaiz Hocouh、 《Hocouh Yizbau》、《Guengjsae Minzcuz Bau》、《Sam Nyied Sam》cazci daengj meizdij, haenqrengz bae senhconz hong mizgven cwngcwz fapgvi saw vah minzcuz vunznoix, caenh’itbouh gyaak gyoengq ganbu vunzlai nyinh- rox gij youqgaenjsingq sawjyungh、swnjcienz caeuq baujhoh vah minz- cuz vunznoix. Guh hozdung doi- gvangq vah minzcuz vunznoix caeuq Sawcuengh, doenggvaq venj fuk baengzhoengz miz Cuengh Gun song cungj saw daengj, hawj vunzlai gyalai sugrox Sawcuengh.

Ngeih dwg dapguh aen bingz- daiz yingjsi. Bi 2017 codaeuz, gaenx- maenx hezdiuz minzcunghgiz、vwnz- dijgvangjgiz、denyingj gunghswh gak yienh (gih) guh gunghcwngz leih beksingq denyingj vah minzcuz roengz mbanj. Doenggvaq cuengqingj senhconz caeuq doigvangq denyingj vah minzcuz, mboujdan ndaej miz- yauq baujhoh vwnzva vah minzcuz, lij daezsang gij yienghsiengq caeuq haenhndei cingzdoh dieg minzcuz vunznoix doiq rog haenx.

Sam dwg dapguh aen bingz- daiz ciennieb. Baengh Hocouh Yoz- yen、Guengjsae Hocouh Cizyez Yozyen daengj hagdangz, guh goq- daez dinghyiengq lienzhaeh, haeuj- coengh yenzgiu vah minzcuz Vah- yauz、Vahcuengh daengj. Seizneix, Hocouh dwg ndaw guek aen bozvuz- gvanj vahgangj caenciet daih’it——Hocouh Yozyen Vahgangj Bozvuz- gvanj gaenq laebbaenz. Youq gwnz giekdaej seizneix miz haenx guhndei hwnjguh vahgangj bozvuzgvanj, laeb- daeb guh diucaz yenzgiu moq, netsaed mizyauq bae guh hong baujhoh vwnzva vah minzcuz.

Seiq dwg dapguh aen bingz- daiz swnjcienz lingzvued. Ndwen 6 ngoenz 28 daengz 30, aen si neix banh aen ban son’gyauq cangh- fwen Yauzcuz bi 2017, doenggvaq cungj guhfap neix, gikfat gij yiedcingz bouxcoz minzcuz vunznoix yungh vah minzcuz bonjfaenh, hawj vah minzcuz ndaejdaengz baujhoh caeuq swnjcienz. Linghvaih, lij youq ndaw hozdung angqhoh ngoenzciet minzcuz, iucingj boux rox vah minzcuz caeuqfaenh, hawj gyoengqde yungh vah minzcuz gangj gojgaeq, son’gyauq ciengqgo, guhbaenz gij heiqfaenh ndei gagrox swnjcienz hagsib vah minzcuz.

(Cau Ginhbinh/赵金宾)