Ranz gou miz duz meuz iq he gig ndeigyaez, de ngah gwn doxgaiq dangqmaz.

Miz ngoenz he, gou caeuq bohmeh itheij gwn noh duzbaeu, gij heiq hom cigciep cung haeuj ndaw ndaeng bae, baenzneix duz meuz ranz gou couh ngah raeuh.

De sien ndwn youq gwnz- namh cim dou gwn. Gvaq yaep ndeu, de raen dou mbouj dam de, couh mbouj guenj dou doengzeiq mbouj doengzeiq, bin hwnj gwnz daiz, song lwgda ngonzyaemyaem dwk yawj noh duzbaeu ndaw fwngz gou, lumj yaek daj ndaw fwngz gou ciengj aeu noh duzbaeu nei. Dou cungj riu lo. Gou mbouj haeujsim hawj gaiq noh doek roengz gwnznamh. Duz meuz iq neix doq diuq roengz aen daiz, amq he couh gwn liux lo. De baez gwn ndaej noh duzbaeu, roxnyinh gig ndeigwn, couh engq siengj gwn noh duzbaeu lo, cungj “myau myau myau” dwk heuh, lumj gangj:“Bouxcawj caiq hawj gou gwn di”. Dou hawj de gij byak baeu, de hix gwn ndaej diemzsubsub. De gwn sat, lij daeuj riz lwgfwngz gou dem. Gou caen lau de haeb dawz lwgfwngz gou bae.

Duz meuz ranz gou caen dwg ngah gwn!

(sam nienzgaep Vangz Siujyij)